Este venres 1 de marzo ábrese o prazo de preinscrición para as novas sesións das merendas infantís que se celebrarán nos meses de marzo, abril, maio e xuño de 2019 no Aquarium Finisterrae, cun total de 480 prazas dispoñibles para nenos e nenas de 4 a 13 anos.
As merendas celebraranse os sábados e domingos a partir das 16.45 horas. Os asistentes realizarán experimentos relacionados coa vida dos seres mariños e despois tomarán un chocolate con churros.
Cada participante deberá aboar unha entrada reducida (4 euros) e recibirá unha invitación para merendar. A actividade é gratuíta para os nenos e nenas socios da Asociación de Amigos da Casa das Ciencias e para titulares da Tarxeta Vinte.
A preinscripción deberá realizarse nesta ligazón entre as 10:00 e as 12:00 horas do 1 de marzo.
Información sobre a inscrición nas merendas
Desde os Museos Científicos Coruñeses informan de varios puntos a ter en conta para realizar a inscrición:
- As prazas adxudicaranse por estrito orde de recepción da solicitude.
- Poden preinscribirse tres participantes por solicitude.
- Non se admite a preinscrición da mesma persoa en dúas ocasións.
- As datas serán os días 16, 17, 23, 24, 30 e 31 de marzo; 6, 7, 13, 14, 27 e 28 de abril; 5, 11, 12, 19, 25 e 26 de maio; e 1, 2, 8, 9, 15 e 16 de xuño.
- Poderán seleccionarse as opcións “Váleme calquera data” ou ata catro datas concretas.
