Chega a Galicia a borrasca Karim, que trae avisos laranxas por fortes ventos e intensas choivas, que varrerán o país especialmente dende a tarde deste venres 19 de febreiro.
As previsións tanto de Meteogalicia como da AEMET levaron á Consellería de Educación a suspender toda a actividade no exterior nos centros educativos situados nas zonas afectadas por fortes ventos da mañá deste venres.
19/02 00:06 #AEMET actualiza #FMA en Galicia. Activos HOY y MAÑANA. Nivel máx naranja. Imagen del mapa de avisos en vigor a las 00:06 . Para ver una tabla de avisos actualizada haga CLIC EN LA IMAGEN o visite https://t.co/Mw1O1wz2vE https://t.co/HH6hSoUOYN
— AEMET_Galicia (@AEMET_Galicia) February 18, 2021
A Axencia Estatal de Meteoroloxía estableceu unha alerta de nivel laranxa nas provincias atlánticas, a costa lucense e as zonas de montaña da comunidade. Os ventos poden superar a barreira dos 100 quilómetros por hora.
Os centros educativos afectados son os do oeste e suroeste da Coruña, a partir das 12 horas, e de toda a provincia de Pontevedra, a Mariña e a montaña de Ourense a partir das 18 horas, segundo informa a Xunta de Galicia.
Déixase en mans das direccións dos colexios a responsabilidade de decidir sobre a suspensión das actividades extraescolares no caso de que as circunstancias do seu municipio evolucionen ata supoñer un risco superior ao declarado.
O centro dunha fonda borrasca situarase ao oeste de Irlanda. Unha fronte asociada a esa baixa será a que afectará a Galicia, e na madrugada do vernes ao sábado espéranse choivas especialmente intensas mentres que o vento soprará forte do sur, con refachos moi fortes no litoral e zonas altas.
Aquí podes consultar o boletín de avisos de Meteogalicia
