Todo apunta a que nas últimas horas do xoves a meirande parte de Galicia quedará baixo o efecto de fortes treboadas e precipitacións, que poderían chegar a superar os 15 litros por metro cadrado nunha soa hora. Así, tanto MeteoGalicia como a Axencia Estatal de Meteroloxía, en atención á predición que ofrecen os modelos, activaron o aviso amarelo en todo o territorio galego. Porén, a incerteza sobre o impacto da borrasca causante desta situación, que deixará chuvias en boa parte da Península Ibérica nos vindeiros días, mantén expectantes aos servizos de meteoroloxía.
Bos días! Hoxe vamos ter unha xornada de moita inestabilidade atmosférica en #Galicia. A presenza dunha borrasca ao oeste de Lisboa deixaranos un día de moita actividade tormentosa en todo o territorio, sobre todo a partir do mediodía.
⚠️⛈️⚠️https://t.co/795Ol1Dc28 pic.twitter.com/RGzhGB0OA5— MeteoGalicia (@MeteoGalicia) September 17, 2020
O Centro Nacional de Furacáns (NHC) dos Estados Unidos, que advertiu da posibilidade de que a borrasca adqurise características tropicais polo seu rumbo cara ao sur e o contacto con augas máis cálidas, reduciu nas últimas horas a probabilidade deste feito. Porén, o impacto será igualmente importante, de aí o aviso de nivel amarelo (mesmo laranxa para o venres nalgunhas rexións de España)
Desde a Aemet apuntan a que as treboadas e precipitacións concentraranse en maior medida no sueste de Galicia, mentres que os modelos amosados por MeteoGalicia expoñen importantes acumulados a seis horas no litoral occidental:
⚠️⛈️⚡️ Precipitación prevista para esta tarde, principalmente en forma de chuvascos e tormentas que localmente poden ser fortes pic.twitter.com/SGyL01m7d2
— AEMET_Galicia (@AEMET_Galicia) September 17, 2020
“Medicane” en Grecia
Outro dos fenómenos meterolóxicos relevantes nas últimas horas en Europa é o da formación dun medicane, fenómeno semellante aos furacáns, pero producido no Mediterráneo, que activou a alerta vermella en boa parte de Grecia. O evento, que leva por nome Tanos, deixará ventos de 200 km/h, fortes mareas e choivas. Algúns investigadores salientaron a coincidencia de Tanos cos restos do furacán Paulette, no Atlántico Central, e a borrasca fronte á Península.
"Tres en raya". En menos de 70º de longitud, tenemos tres sistemas con gran peculiaridad. Al oeste, #Paulette en proceso de extratropicalización, en medio, el Invest 99L (BFA con posibilidad de adquirir caracteres subtropicales) y en el Mediterráneo, un HURACÁN: #Lanos pic.twitter.com/u3o60SCQ8j
— Álvaro Oliver (@alvaroliver) September 16, 2020
