Domingo 21 Abril 2024

Décimo número da revista Mazarelos

Contén artigos sobre patrimonio inmaterial, escultura, filosofía, educación, emigración e unha entrevista aos fotoxornalistas Charo Lopes e Brais Lorenzo

A revista Mazarelos está de celebración: acaba de sacar o seu décimo número. Como é habitual, a unha ilustración ocupa a portada. Nesta ocasión, o laranxa e o verde son as cores protagonistas grazas dunha lámina da artista galega Sarai Lorenzo Broullón.

Máis polo miúdo, os dous primeiros artigos deste número están relacionados co patrimonio. Sara Fraga Pérez achéganos ao patrimonio inmaterial a través dunha conceptualización teórica do concepto e de exemplos prácticos dalgúns proxectos nos que participou na comarca das Mariñas. Pola súa banda, Alba Rivas Regal e Jorge Viz González analizan e contextualizan o Monumento de Manuel Pailós, artista galego emigrado en Uruguai desde novo. A dita escultura atópase no campus norte da Universidade de Santiago de Compostela.

Publicidade

Seguen dous artigos de historia. O primeiro, asinado por Marco Antonio Álvarez Sánchez, analiza o termo de liberdade desde a antigüidade clásica até a contemporaneidade. Deseguido, Diego García Couso presenta un estudo de caso realizado no CPI Virxe do Monte (Cospeito) co alumnado de 4º de ESO sobre a súa representación dos fascismos.

A entrevista deste número está protagonizada por dúas persoas que se moven no mundo do fotoxornalismo: Charo Lopes e Brais Lorenzo. Estudaron na Escola de Arte Superior e Deseño Antonio Faílde de Ourense, aínda que en cursos diferentes, e desde aí comezaron a traballar desde espazos e ópticas distintas. Isto é o que precisamente fixo que a súa conversa fose moi distentida e moi entretida, a cal xirou sobre a cultura da inmediatez, a intelixencia artificial, as condicións laborais do sector e os espazos colaborativos, entre outros asuntos. 

Pecha o décimo número Daniel García Fernández, presidente da Agrupación Instrutiva de Caamouco (Ares). No texto fai un repaso histórico da centenaria agrupación e achéganos ao seu papel na actualidade, onde constata a enorme pegada que ten na comunidade.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un neno maltratado ten tres veces máis risco de desenvolver unha adicción de adulto

O estudo dunha investigadora da Universidade de Queensland analiza as consecuencias do maltrato infantil a longo prazo

Os bebés expostos ao tabaco teñen maior probabilidade de consumir antibióticos

Un estudo galego analiza os factores asociados ao consumo deste medicamento cunha mostra de 18.882 mulleres

“Anicamento” e “teito de cristal”, entre as novas entradas do Dicionario da Academia

A RAG engade corenta voces como novas acepcións e mellora a definición de 20 lemas na súa última actualización

Unha masa de aire polar desplomará os termómetros en Galicia

As temperaturas caen ata 10 graos a vindeira semana, quedando en valores baixos para a época do ano