Venres 29 Marzo 2024

Conferencia sobre o cambio climático no Centro Universitario de Riazor da UDC

O Centro Universitario de Riazor, CUR, da Universidade da Coruña acollerá mañá, martes, 6 de marzo ás 19:00 horas a conferencia “Cambio climático: un desafío global e local”, de Emilio Fernández Suárez, director do Campus do Mar. Esta actividade, de acceso libre e que se desenvolverá no salón de actos do CUR, está organizada pola Oficina de Medio Ambiente da UDC como parte do curso Educando para a Sustentabilidade.

Emilio Fernández Suárez é experto en Ecoloxía Mariña e cambio climático. Director do Campus do Mar; Doutor pola Universidade de Oviedo, realizou traballos postdoutorais no Laboratorio Marítimo de Plymouth do Reino Unido e na Escola de Ciencias Mariñas e Atmosféricas de Rosenstiel de EE. UU. Incorporouse ao Instituto de Investigacións Mariñas do CSIC e posteriormente accedeu a unha praza de Profesor Titular de Ecoloxía na Universidade de Vigo. Desde 2011 é Catedrático de Ecoloxía desa Universidade.

Publicidade

A súa actividade investigadora centrouse na área de Ecoloxía Mariña, en particular, no estudo das respostas dos ecosistemas aos cambios ambientais de escala global. As súas investigacións recóllense en máis de 146 traballos publicados e nove Teses de Doutoramento.

Ocupou o cargo de Director Xeral de Desenvolvemento Sostible da Xunta de Galicia, onde coordinou a elaboración e posta en marcha do Plan Galego de loita contra o Cambio Climático (2008), campo no que adquiriu unha ampla visión dos aspectos relacionados coa mitigación e adaptación a escala rexional, estatal e internacional, ao actuar como membro da delegación española en varios dos cumios mundiais sobre o clima. Coordinou a elaboración e publicación en 2009 do libro ” Evidencias e impactos del cambio climático en Galicia “. Na actualidade, compatibiliza a súa actividade investigadora e docente coa dirección do Campus de Excelencia Internacional “Campus do Mar”

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O catedrático da UDC García Mira leva os seus estudos en psicoloxía ambiental ata Filipinas

A Universidade de Santo Tomás organizou unha conferencia sobre o papel da ciencia psicolóxica para abordar o impacto do cambio climático

Un equipo da UDC aposta pola tecnoloxía dos videoxogos para mellorar a simulación industrial

Os investigadores Javier Pernas e Diego Crespo, da Área de Organización Industrial do Grupo Integrado de Enxeñaría do CITENI, publican no 'Journal of Simulation' o seu último avance

Pódcast | Reloxos intelixentes e medicina do sono: así nos axuda a tecnoloxía a vivir mellor

Os investigadores do CITIC Diego Álvarez e Patricia Concheiro analizan no sétimo episodio de O Descodificador as aplicacións biomédicas da IA

Aumenta a matriculación feminina en Enxeñaría Informática na UDC e na UVigo

Na universidade coruñesa as rapazas xa representan un 18% das incorporacións, mentres que na viguesa acadan o 19%