Explicación: Frank Borman, James Lovell e William Anders viaxaron desde a Terra ata a Lúa e voltaron en decembro de 1968. Desde a órbita lunar, esta imaxe dos cráteres do sudoeste do Mare Fecunditatis publícase neste anáglifo en estéreo, que se goza mellor desde a cadeira de brazos no planeta Terra cos lentes vermello/azuis. No primeiro plano, Goclenius é o cráter de impacto grande. Cuns 70 quilómetros de diámetro, o seu solo ateigado de lava está marcado por rimas ou canles, depresións longas e estreitas na superficie. Atravesando as paredes do cráter e os cumios centrais, os regueiros formáronse probablemente despois do propio cráter. Ao fondo, os dous cráteres grandes con solos lisos son Colombo A (arriba) e Magelhaens. Magelhaens A, o cráter do fondo co solo irregular, ten uns 35 quilómetros de diámetro.