Ciencia e arte conviven no Marco na mostra «Eidos da imaxe»
“A idea básica é a dependencia das imaxes que teñen a arte e a ciencia. Actúan como un punto de encontro”, afirma Alberto Ruiz de Samaniego, comisario da exposición Eidos da imaxe. Grafías dos feitos e do pensamento, que se pode ver na primeira planta do Museo de Arte Contemporánea de Vigo ata o 12 de outubro. Arte e ciencia son os protagonistas desta mostra, que forma parte do proxecto Baliza, desenvolvido na Facultade de Belas Artes de Pontevedra e integrado no Campus do Mar, que foi financiado polo Ministerio de Cultura.
