O mercado do Berbés de Vigo acolle este mércores unha nova sesión do ciclo de charlas de divulgación científica que impulsa a candidatura das Illas Cíes ao Patrimonio da Humanidade da Unesco.
Desde as 20.30 horas, e baixo o título “Usos sostibles nas Illas Cíes“, dous expertos abordarán a necesidade de analizar o equilibrio entre un uso responsable e a conservación da riqueza ecolóxica do arquipélago.
Publicidade
Así, o director do Instituto de Investigacións Mariña (CSIC), Fran Saborido, e o xefe do grupo de Bioloxía e Fisioloxía Larvaria de Peixes do propio CSIC, Miguel Planas, expoñerán algunhas das ideas chave para garantir a boa conservación do arquipélago.
A entrada ao evento, aberto e adaptado a todos os públicos, é libre e gratuíta.
Publicidade
