Xoves 28 Marzo 2024

As guerras na literatura e na arte, nun congreso internacional en Compostela

Especialistas en literatura e expresión artística de diferentes universidades de España, Brasil, Eslovenia, Estados Unidos, Italia e Portugal participan no congreso internacional ‘Guerras e conflitos sociais de onte e hoxe (Literatura e Arte)’ que se desenvolve no Centro Ramón Piñeiro para a Investigación en Humanidades de Santiago. Convocado polo Instituto de Ciencias da Educación (ICE), a Universidade de Santiago de Compostela (USC) e o Centro Ramón Piñeiro para a Investigación en Humanidades, está presidido por Blanca-Ana Roig Rechou e Carmen Franco (USC), Ana María Porto (ICE) e Armando Requeixo (Centro Ramón Piñeiro para a Investigación en Humanidades) e conta no seu comité organizador e científico con investigadores dunha ducia de países de todo o mundo.

A sesión inaugural correu a cargo da profesora da Universidade de Barcelona, Nora Catelli (Rosario, 1946), que falou das poéticas do relato bélico nos séculos XX e XXI. Esta intelectual arxentina exiliada en España, especialista en teoría da literatura e literatura comparada e ensaísta de prestixio, recibiu recentemente o Premio Konex ás Humanidades Arxentinas, ademais de ser colaboradora asidua en medios de prensa, como La Vanguardia, El País, o seu suplemento Babelia ou revistas literarias como Quimera. Tamén na primeira sesión participaron as profesoras da Universidade Nova Gorica (Eslovenia), Barbara Pregelj, e da Universidade de Boloña (Italia), Gloria Bazzocchi, que abordaron a tradución entre diferentes linguas de obras que tratan as guerras e os conflitos sociais.

Publicidade

Entre as actividades previstas para os vindeiros días cabe salientar a presenza do escritor Jordi Sierra i Fabra e do poeta Antonio García Teijeiro, que manterán un coloquio ao redor desta temática.

En total, ata o venres serán tres xornadas nas que se abordarán múltiples aspectos dunha temática, a das guerras e os conflitos sociais, que marcou e segue a marcar o devir da historia universal e da sociedade actual, polo que é máis preciso máis ca nunca reflexionar sobre as causas e consecuencias das confrontacións, en especial de cara á infancia e xuventude.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Santiago rexistrou máis de 2.300 horas de Sol en 2023, a segunda marca máis alta do século

A chuvia recollida ao longo do ano superou os 2.000 litros por metro cadrado, mentres que a temperatura máxima foron os máis de 36 graos do pasado 8 de agosto

A calidade do aire en Santiago, no límite das recomendacións da OMS segundo un estudo

ConBici presenta os resultados dun proxecto no que colabora a USC e que mediu a calidade do aire en 18 cidades españolas durante dous anos

O falso mito das casas galegas de pedra: cando os muros eran brancos

Hai 100 anos, as vivendas galegas cubríanse de cal por cuestións hixiénicas e de illamento térmico, pero unha nova corrente estética do século XX reverteu a tendencia

Pódcast: Bailando con Reis e Raíñas | 13. A inventio da tumba do Apóstolo

O descubrimento da tumba do Apóstolo no século IX foi a reacción do poder hexemónico franco ao florecente emirato de Córdoba