Os Encontros na Lúa Chea regresan ao Campus Terra.

As causas dos lumes forestais, a debate en Lugo

Os Encontros de Lúa Chea, un programa de debate sobre cuestións de actualidade organizado polo colectivo universitario Proxéctate en Galego, celebra este mércores 25 de setembro, a partir das 19.00 horas, a primeira sesión do novo curso académico, un debate informal que se desenvolverá na cafetería da Escola Politécnica Superior de Enxeñaría do campus de Lugo, baixo o título ‘Os incendios por que arde o monte e que facemos?’.

A elección da temática desta primeira sesión de debate informal programada no marco dos Encontros de Lúa Chea responde un pouco á conxuntura actual e que, como cada outono, deparan os casos de lumes forestais en Galicia.  Daquela, logo dos últimos casos rexistrados, o colectivo Proxéctate en Galego entende que este momento é acaído para abordar esta problemática, sobre a que tratará o profesor do Departamento de Economía Aplicada da USC e investigador do grupo Economía Agraria e Social (Ecoagrasoc) Edelmiro López Iglesias.

A participación nesta sesión de análise e debate é libre e de balde para todas as persoas interesadas, que tamén terán a oportunidade de compartir uns petiscos na cafetería da Escola Politécnica Superior de Enxeñaría de Lugo.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.