A Xunta publica o novo mapa das zonas de baño de Galicia: estas son as 42 praias non aptas

A Coruña é a provincia con máis áreas nas que está prohibido mergullarse, como no areal urbano da Virxe do Camiño, no concello de Muros

Tan só quedan dúas semanas para que dea comezo a temporada oficial de baño, que comeza o 1 de xuño e se estenderá ata o 30 de setembro. Independentemente do tempo que vaia, as praias galegas están listas para darlle a benvida aos primeiros bañistas da tempada. Non obstante, 42 delas non son aptas para mergullarse. Así o constata a última actualización do Rexistro de Augas de Baño de Galicia, publicado este mércores no Diario Oficial de Galicia (DOG). Entre elas, a praia urbana da Virxe do Camiño (Muros) e o encoro das Conchas (Lobeira), cuxa contaminación recorrente —atribuída ao sector gandeiro— chegou incluso aos tribunais.

Por pronvicias, A Coruña é a que rexistra o maior número de zonas nas que está prohibido permanentemente o baño: un total de 16 praias. Séguea Lugo, con 13; Ourense, con 7; e Pontevedra, con 6. Ademais, o 67% das áreas non aptas para o baño son continentais ou fluviais, mentres que o 23% restante correspóndense con praias marítimas. En relación ao censo de 2025, hai cinco zonas máis nas que está prohibido mergullarse debido á calidade insuficiente das augas.

Publicidade

Segundo explican dende a Xunta, o uso recreativo das zonas de baño pode derivar en riscos para a saúde. Para iso, a Dirección Xeral de Saúde Pública realiza mostraxes periódicas para analizar a contaminación bacteriana das augas, que pode causar gastroenterite ou enfermidades respiratorias naqueles bañistas que se mergullen en zonas afectadas. “Aínda que estas enfermidades raramente son graves, o número de persoas expostas pode ser elevado debido á importante afluencia que rexistran as praias, os ríos e as lagoas”, sinalan fontes da Consellería de Sanidade.

O rexistro galego ten censadas 506 praias e, segundo trasladan dende a Xunta, o 97,7% contan con “calidade excelente ou boa”. Entre as novidades desta tempada, inclúese por primeira vez o río Madalena, en Vilalba; o río Bubal-Vilaza, en Monterrei; e o río Miño Eiras, no Rosal, así como as zonas de baño do Muíño das Aceñas e de Tamuxe no río do mesmo nome.

Laura Filloy
Laura Filloy
Xornalista científica pola Universidade Carlos III de Madrid. Comezou a súa andaina profesional no Faro de Vigo. Con experiencia en comunicación institucional a través de Médicos sen Fronteiras e a Deputación de Pontevedra, meteuse de cheo na divulgación científica na Axencia EFE. Dende 2021 en Gciencia, onde segue a cultivar a súa paixón pola ciencia.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un novo recurso didáctico creado na USC conecta o patrimonio musical galego co Camiño de Santiago

O material reúne dez arranxos de música do percorrido francés e propostas para traballar este repertorio das aulas de Primaria e Secundaria

Unha autopista de humidade acende en Galicia alertas laranxas e amarelas por chuvia e vento

A sucesión de borrascas atlánticas deixará máis de 50 l/m2 en menos de 12 horas no oeste da comunidade e refachos de ata 100 km/h

Dúas xeracións únense para rescatar do abandono a historia da batería militar de Cabo Silleiro

Jesús Moreira, quen realizou o servizo en 1971, e o seu fillo Diego impulsan unha recollida de sinaturas para converter o antigo cuartel nun espazo cultural

Unha curtametraxe sobre os tesouros agochados baixo o mar da Mariña-Ortegal conquista Donosti

O biólogo focense Carlos Gil dá a coñecer a biodiversidade dos fondos galegos cun galardón no Ciclo Internacional de Cine Submarino de San Sebastián