A illa de San Simón reúne nun foro a investigadores en biomateriais
Naceu coa vocación de fomentar a cooperación e a interdisciplinariedade que tanto se precisa no ámbito do desenvolvemento de materiais avanzados capaces de rexenerar tecidos danados e chega agora á súa segunda edición coa porta aberta aos novos investigadores. O II Foro da Rede Galega de Biomateriais celebrarase o vindeiro 9 de outubro na illa de San Simón, onde expertos de toda a Península Ibérica reuniranse para poñer en común os avances dos seus traballos e os retos aos que se enfrontan. Nesta ocasión, a organización porá en marcha un novo e orixinal formato de relatorios e presentacións rápidas que permitirá poñerse ao día nunha única xornada de 32 investigacións que se están a levar a cabo nas áreas do deseño, a produción, a caracterización e a aplicación dos biomateriais.
Máis información no seguinte enlace:
