A profesora viguesa Alicia Tojeiro foi elixida hoxe como a mellor mestra de España, como gañadora dos IV Premios Educa Abanca. Tojeiro, que exerce en Oleiros (A Coruña) xa fora finalista na edición do 2018 e agora acada o máximo galardón.
A mestra acada o recoñecemento a mellor docente de Primaria de España. Nada en Vigo en 1978, traballa no CEIP Parga Pondal da localidade coruñesa, donde leva dando clase durante 20 anos, os últimos catro deles como especialista en Educación Primaria.
Durante dous anos, Alicia Tojeiro situouse como finalista nestes premios, coñecidos como os “Goya da Educación”. Finalmente, conseguiu o recoñecemento, que xorde a proposta dos propios pais e nais do alumnado.
Alicia Tojeiro, mestra de primaria do CEIP Parga Pondal, foi nomeada mellor profesora de España nun premio organizado por unha entidade bancaria. Alicia Tojeiro desenvolve un importante traballo neste centro de ensino público con numerosos proxectos e programas. Parabéns! pic.twitter.com/DKXxGMUS4e
— Concello de Oleiros (@ConcelloOleiros) January 12, 2021
Nunha entrevista publicada en 2018, cando foi finalista, a mestra comentaba que se mostraba “agradecida” pola posibilidade de poder demostrar que se pode crear unha escola na que “diversión e esforzo son compatibles”. O Concello de Oleiros felicitou tamén a esta docente polo seu “importante traballo” e os “numerosos proxectos proxectos e programas” que pon en marcha neste centro público.
