A Estación Espacial Internacional poñerá en órbita este xoves o satélite 'Serpens'

A Estación Espacial Internacional confirmou este mércores que a inxección en órbita do Serpens –Space System for Conducting Research and Experiments with Nanosatelites-, o terceiro picosatélite con selo vigués, se producirá este xoves 17 de setembro na franxa horaria comprendida entre as 13.00 e 16.30 h, hora local viguesa, desde a propia Estación Espacial Internacional (ISS), a que chegou o pasado 24 de agosto tras ser lanzado ao espazo pola Axencia Espacial Xaponesa (JAXA) o día 19 a bordo do vehículo de abastacemento Kounotori-5 (HTV-5).
Deseñado pola Axencia Espacial Brasileira coa participación da Agrupación Estratéxica Aeroespacial da Universidade de Vigo, dirixida polo profesor Fernando Aguado, o satélite será despregado do módulo ‘Kibo’ do JSSOD (Japanese CubeSat Deployer) na órbita final polos propios astronautas e ata media hora despois non haberá imaxes do mesmo.
Máis información no seguinte enlace: