A discriminación de xénero, a debate nunha xornadas técnicas en Ourense

O discurso da igualdade de xénero plásmase nun amplo acervo normativo de ámbito internacional, estatal e autonómico froito do consenso formal de todos e todas arredor desta cuestión. Porén, a realidade segue aí e os datos de violencia sexual, de diferenza de soldos entre homes e mulleres, de dificultades de conciliación de vida familiar e laboral, de acceso a postos de dirección e dun longo etcétera de cuestións amosan como as palabras non sempre se traducen nas correspondentes accións e responsabilidades. Co obxectivo de suscitar a reflexión arredor desta situación, desde este luns o campus de Ourense acolle as XII Xornadas Sociedade e Dereito. Baixo o título de Muller, Política e Igualdade, desenvolveranse 31 conferencias de expertos do ámbito político, social, cultural e académico co obxectivo de afondar desde o rigor e a interdisciplinariedade na discriminación de xénero. “O maior desafío que temos é o paso da igualdade formal (de iure) á igualdade substantiva (de facto). Temos alcanzado cotas de igualdade inimaxinables hai apenas unhas décadas pero, con todo, a igualdade real non está acadada”, recalca o coordinador das xornadas, o docente José Agustín González-Ares.

Público asistente a inauguración das xornadas.
Público asistente a inauguración das xornadas.

As xornadas se celebran os días 28 e 29 de marzo e 1, 4, e 5 de abril na Facultade de Dereito ourensá. As sesións das xornadas, que contan coa colaboración da Asociación Galega de Estudos Xurídicos, comezaron cunha conferencia de Pilar López-Guerrero, decana do Colexio de Avogados de Ourense, sobre as mulleres e a execución de penas privativas de liberdade. “Actualmente, como en tantos outros ámbitos, as prisións reflicten o sistema discriminatorio no que vivimos”, explicou López-Guerrero. As mulleres con penas de cárcere, denunciou, padecen as consecuencias dun sistema pensado para os homes, no que faltan prisións e unidades de nais para as mulleres, e no que hai un modelo de execución de penas que non está deseñado para a poboación minoritaria que representan as mulleres nas cárceres. Non existen, apuntou, igualdade de oportunidades de tratamento na prisión, poñendo como exemplo o eido da formación da poboación reclusa.

Publicidade

As xornadas prestarán especial atención á discriminación no eido do Dereito

Trala súa intervención deu inicio un intenso programa de conferencias que rematarán o día 5 de abril, e que incluirán máis de trinta ponencias, nas que se abordarán cuestións como a discriminación nas relacións laborais, o papel das mulleres na política, a igualdade de xénero no eido educativo, as mulleres na investigación, as últimas novidades procesuales en materia de violencia de xénero, os tribunais supranacionais ante a discriminación deste tipo ou o xénero e o sexo na doutrina do Tribunal Constitucional. Alén de analizar a realidade actual, durante as sesión tamén se afondará en cuestións de carácter histórico, como as actividades da falanxe feminina durante o franquismo, os dereitos da muller na constitución republicana de 1931 ou as mobilizacións das mulleres no século XX. Para falar destes temas entre os conferenciantes están docentes de catro universidades estatais e dunha italiana e das diferentes ramas do dereito; deputados e deputadas; representantes políticos; xornalistas; a valedora do Pobo, Milagros Otero, e a secretaria do Observatorio Internacional da Regulación das Entidades do Sector Público, Carla Casanueva, entre outros.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Cantos días con máis de 35ºC haberá en Galicia a finais de século? Consúltao neste mapa

A provincia de Ourense, Monforte e os vales do Sil e do Miño, serán os que experimenten un ascenso máis acusado

Un equipo de atlanTTic deseña antenas innovadoras para satélites xeoestacionarios

O proxecto da UVigo busca unha redución na masa e o volume da tecnoloxía, así como diminuír os custos

Un equipo da UVigo analiza en alta resolución o transporte de humidade no Atlántico norte

O grupo EphysLab investiga como se altera o ciclo hidrolóxico na rexión oceánica por procesos relacionados co cambio climático

As cinzas dos lumes de 2017 poden causar alteracións no plancto costeiro da Vigo

O estudo realizado por investigadores do CIM da Universidade de Vigo centra a súa investigación na escorredura posterior ás queimas