A Real Academia Galega de Ciencias (RAGC) organiza este martes ás 16.30 horas un seminario virtual que leva por título Leccións aprendidas e perspectivas na crise da Covid-19, no que académicos e expertos en diferentes disciplinas clave para abordar a epidemia achegarán o seu coñecemento. Tomarán parte, ademais do presidente da RAGC, Juan M. Lema, os investigadores Jesús López Romalde, Benito Regueiro, María José Alonso, Juan Gestal, Juan J. Nieto, Senén Barro e Luis Caramés.
O encontro desenvolverase a través da plataforma Microsoft Teams, e as inscricións poderán realizarse no enderezo ragciencias@ragc.gal. As prazas son limitadas.
Programa do seminario
16.30: Presentación. Juan M. Lema, presidente da RAGC.
16.35: Que sabemos do SARS-CoV-2. Jesús López Romalde, catedrático de Microbioloxía.
16.50: Utilidade dos kits de diagnóstico. Benito Regueiro, catedrático de Microbioloxía e xefe de servizo do hospital Álvaro Cunqueiro de Vigo.
17.05: Os retos para desenvolver e viabilizar unha vacina. María José Alonso, catedrática de Farmacoloxía e académica da RAGC.
17.20: Epidemioloxía. Que temos aprendido? Que nos espera? Juan Gestal, catedrático de Medicina e Saúde Pública.
17.35: A dinámica do contaxio en Galicia. Juan J. Nieto, catedrático de Análise Matemática e académico da RAGC.
17.50: A intelixencia artificial ante unha pandemia. Senén Barro, catedrático de Ciencias da Computación e Académico da RAGC.
18.05: As previsibles consecuencias económicas. Luis Caramés, catedrático de Economía Aplicada e académico da RAGC.
18.20. Debate aberto.
18.30. Fin da sesión.
