Fuga de talentos e conciliación: mesa redonda do programa Ciencia en Feminino, co que GCiencia celebra durante todo o mes de marzo o 8M, Día Internacional da Muller, en colaboración coa Deputación Provincial de Pontevedra.
Investigadoras que desenvolven a súa carreira no extranxeiro falan da precariedade da investigación no noso país, o nesgo de xénero no mundo científico e ata que punto condiciona a precariedade, a obrigada procura de oportunidades no exterior; as políticas de conciliación vixentes en Europa e en España. Con:
- Isabel Suárez Fernández, física pola USC. Actualmente está a desenvolver o seu doutoramento no Instituto Superior Técnico (IST) CENTRA-Centro de astrofísica e gravitación de Lisboa. A súa tese afonda nos fenómenos críticos no colapso gravitacional.
- Alba Vieites Prado, neurocientífica e, hoxe en día, investiga no Paris Brain Institute a plasticidade de largo alcance das redes neuronais no cerebro humano.
- Lorena Boquete Vilariño, bióloga. Investiga na Universidade de Cambridge a interacción entre as células cancerosas e as células dendríticas.
- Carmela Silva, presidenta da Deputación de Pontevedra
Presenta: Begoña Márquez.
O programa Ciencia en Feminino segue co seguinte programa.
-
17 de marzo. Conversa con Amparo Alonso Betanzos, enxeñeira química e especialista en Intelixencia Artificial
MullCoordina o grupo de investigación LIDIA (Laboratorio de I+D en Intelixencia Artificial) da Facultade de Informática da Universidade da Coruña (UDC). Bolseira na primeira edición internacional do Programa L’Oréal UNESCO For Women in Science (primeira española becada nos 17 anos do programa). Ademais é membro do Comité de Sabias da Cátedra de Feminismos 4.0 da UVigo. Premio María Josefa Wonenburger en 2020.
-
24 de marzo. Mesa de debate: Teitos de cristal na investigación
Unha reflexión sobre o papel das mulleres en postos claves da investigación, sobre a súa escasa presenza ao fronte de grupos de investigación, as razóns que as levan a quedar no camiño da carreira profesional, a escasa representación de académicas na RAGC ou á fronte de institucións académicas, etc. As relatoras son:
- Concepción Sánchez Fernández, directora do Instituto de Investigacións Agrobiolóxicas de Galicia, recién integrado na MBG. Dirixe o gupo de investigación: Biotecnoloxía de especies forestais e traballa en biotecnoloxía forestal e a bioloxía molecular do desenvolvemento.
- María Luz Loureiro García é catedrática de Economía da USC. Responsable do Grupo Eco Iuris de análise xurídico-económico. As súas investigacións están vencelladas á economía enerxética, a economía ambiental e á economía agrícola. A súa valoración económica de danos ambientais foi utilizada pola Fiscalía no proceso de reclamación xudicial dos danos causados pola vertedura do Prestige. Este ano será nomeada académica da RAGC.
- Lucía Maneiro Santamaría, CEO da spin-off galega Psico VR, creadora dun software para gafas de realidade virtual (RV) dirixido ao tratamento psicolóxico de fobias, estrés e pánico.