Plantación de eucalipto da especie 'globulus'. Foto: Flickr - Marshal Hedin - CC BY-SA 2.0.
Plantación de eucalipto da especie 'globulus'. Foto: Flickr - Marshal Hadin - CC BY-SA 2.0.

A Xunta defende nos tribunais que o eucalipto non é invasor

A administración autonómica presenta informes contra a demanda do Concello de Teo, que conseguiu que un comité científico se pronunciara ao seu favor

Continúa a batalla legal (con moitas arestas económicas, sociais e políticas) arredor do eucalipto. Case un ano despois de que o Goberno rexeitara declaralo como especie exótica invasora, contra o criterio dun comité científico que así o recomendaba, a sala do contencioso-administrativo do Tribunal Superior de Xustiza de Madrid acolle na actualidade o proceso, despois da reclamación presentada polo Concello de Teo.

Hai ano e medio, o 18 de setembro de 2017, o alcalde do municipio teense, Rafael Sisto, presentou un escrito dirixido á Dirección General de Calidad y Evaluación Ambiental y Medio Natural, no que solicita a inclusión das especies – son centos – do xénero Eucalyptus no Catálogo Español de Especies Exóticas Invasoras.

Había precedentes que xogaban a favor da petición do Concello de Teo. As especies camaldulensis e globulus xa estaban incluídas no Anexo II do catálogo, consideradas como “con potencial invasor”. Ademais, en 2012, outro ditame do mesmo Comité Científico que se pronunciou en 2018 xa recomendou a inclusión nese catálogo do nitens (tamén presente en Galicia, e que soporta mellor a altitude e o frío que o globulus). Pero un novo Real Decreto anulou o Anexo II, e a inclusión do nitens non se chegou a aceptar, polo que as tres especies mencionadas seguiron sen ser consideradas especies invasoras.

A Xunta e o Principado persónanse na causa

Ao apelar o Concello de Teo contra a decisión que se coñeceu en abril de 2018, tanto Xunta como Principado de Asturias anunciaron que se personarían para defender que o eucalipto non podía ser considerado invasor. E segundo recolleron este xoves Europa Press e La Voz de Galicia, a administración autonómica presentou informes nos que se reduce a capacidade invasora que argumentou o Comité Científico. Así, os artigos que presenta a Xunta limitan a dispersión das sementes aos 10-15 metros dos límites das plantacións e negan a relación entre o carácter pirófito (capacidade de supervivencia e rexeneración despois do lume) do eucalipto e esta dispersión.

Máis información:

O Goberno rexeita declarar o eucalipto como invasor en contra do seu comité científico

Así tumbou o Goberno a declaración do eucalipto como especie invasora

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.