Venres 29 Marzo 2024

“Non temos planeta B”: a mocidade ergue a voz en Galicia nos Venres polo Futuro

Varias vilas e cidades galegas acolleron mobilizacións no marco da folga polo clima que tivo lugar hoxe en países de varios continentes

Foi unha moza de 16 anos, Greta Thunberg, a que iniciou un movemento que xa é global para esixir aos poderes públicos e privados que salven o planeta antes de que sexa demasiado tarde. E foron tamén as mozas e mozos en Galicia as que colleron as rendas dun movemento que cada vez toma máis protagonismo na axenda pública: o ecoloxismo e a loita contra o cambio climático están para quedar de cara ao futuro. Así o demostraron as concentracións celebradas este venres en vilas e cidades como O Porriño, A Coruña, Ourense, Nigrán, Vigo ou Ferrol, no marco da primeira folga polo clima deste 15 de marzo: día da folga polo clima, co lema de Venres polo Futuro (#Fridaysforfuture).

A iniciativa, que en Galicia colleu forza no instituto Antonio Palacios do Porriño, tivo réplicas noutros centros educativos e campus universitarios. Na vila do sur de Pontevedra os estudantes, apoiados por docentes e as súas familias, reuníronse na praza do Concello.

Publicidade

En Ourense, diferentes colectivos da cidade uníronse á convocatoria de folga estudantil. Ante a convicción de que “non hai planeta B” ao que ir e “que aínda estamos a tempo”, as e os participantes nas accións levadas a cabo este venres no campus de Ourense chamaron a atención sobre a necesidade dun cambio tanto individual como colectivo para frear o deterioro ambiental.

A cita en Ourense reuniu nos xardíns universitarios, fronte á Biblioteca Rosalía de Castro, a arredor de 200 persoas entre escolares, estudantes universitarios e membros de colectivos como Sustinea e Amigos da Terram, segundo informa o Duvi. Ao longo da hora que durou a concentración, as e os asistentes participaron nun obradoiro de pancartas de protesta na que cada persoa puido trasladar a mensaxe desexada, podendo verse lemas nun amplo abano de idiomas como “viva o planeta”, “os cartos non se respiran”, “a ferramenta máis importante para o cambio do clima es ti” ou “humanidade esperta”. Tamén houbo unha pancarta colectiva na que as e os participantes puideron deixar as súas mensaxes reivindicativas, rematando o acto cunha performance na que se representou simbolicamente a perda da biodiversidade no planeta, o crecemento do impacto do ser humano na contorna e as posibles solucións á situación actual, como o consumo responsable e a educación ambiental.

Noutras cidades, como Vigo ou A Coruña, entidades como Greenpeace tamén respaldaron a mobilización deste venres.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un traballo da UDC sobre investigación básica en epilepsia gaña o Epiforward 2024

O equipo conseguiu reducir a actividade cerebral grazas á aplicación de campos magnéticos en áreas concretas do cerebro

A praia de Barra agocha unha aldea soterrada: un cambio climático invadiu todo de area hai 500 anos

Unha investigación publicada por Andrés Pino analiza o impacto social e económico da Pequena Idade do Xeo no asentamento de Cangas

Galicia rexistra o cuarto inverno máis cálido en 60 anos

As precipitacións foron un 18% superiores ao habitual para este período, sendo especialmente abondosas en febreiro

Os osos polares, en risco de morrer de fame polo desxeo do Ártico

Un estudo demostra que as estratexias alimenticias destes animais para sobrevivir nunha contorna de terra non evitan que perdan peso