Xoves 18 Xullo 2024

Máis de 30 terremotos en Pontevedra nun enxame sísmico

Máis de 30 terremotos, segundo os datos recollidos polo Instituto Geográfico Nacional (IGN) sacudiron entre a tarde do martes e esta madrugada do mércores o interior da provincia de Pontevedra, nos concellos de Cerdedo-Cotobade e Ponte Caldelas. O maior destes terremotos, co hipocentro a 11 quilómetros de profundidade, que acadou unha magnitude de 3,1, tivo lugar ás 20.04 horas, e o epicentro localizouse preto da localidade da Chan, en Cotobade, e foi percibido por algúns veciños.

Esta serie sísmica, anómala nesta zona de Galicia, comezou pasadas as 18.30 horas, cun tremor de magnitude 2,6 que se produciu ao noroeste da capital municipal de Ponte Caldelas. A terra seguiu tremendo nunha área de poucos quilómetros durante as seguintes horas, con magnitudes máximas de 2,7 (ás 20.47 e ás 22.11 horas), 2,6 (ás 21.21) e 2,5 (ás 19.01). Máis doutra ducia de terremotos superaron, do mesmo xeito a magnitude 2.

Publicidade

Á media noite continuaba esta pouco frecuente cadea de sismos moi próximos entre si. Desde as 00.11 ata as 00.45 horas da madrugada do mércores, en apenas media hora, o IGN daba conta de catro novos terremotos, con magnitudes arredor de 2.

Na madrugada continuaron os movementos sísmicos, especialmente sobre as 3.00 horas, cando houbo unha cadea continuada cada poucos minutos, coas seguintes magnitudes e horas: 2,5 (02.52h), 2 (02.57h), 1,6 (03.01h), 1,9 (03.07h), 2,3 (3,20h)… e continuou con novos sismos ata o de 2,6 graos rexistrado ás 5.51 horas.

Publicidade

Na madrugada do mércores ao xoves continuou a actividade sísmica con novos terremotos, de magnitude elevada. Ás 3.07 da mañá houbo un sismo de 2,9 en O Toural e ás 3.18h no propio municipio de Pontevedra.

Aquí podes ler a nosa entrevista sobre estes terremotos co catedrático Vidal Romaní

E aquí a nosa reportaxe falando con expertos do Instituto Geográfico Nacional

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Pacientes de párkinson practican ciclismo e remo coa realidade virtual da UVigo

O proxecto do campus de Pontevedra pretende mellorar a integración dos doentes con exercicios curtos pero de alta intensidade que resulten motivadores

A feira ‘A ciencia que vén’ celebrarase por primeira vez en Pontevedra

O evento da UVigo englobará unha serie de obradoiros, actividades lúdicas e charlas divulgativas

Catro galegos proban o primeiro fármaco contra o fígado graxo nun ensaio clínico pioneiro

O tratamento, que acaba de ser aprobado en Estados Unidos, pode tardar dous anos en estar dispoñible en España

Os antepasados dos pontevedreses tiñan desgaste dental severo polo consumo de peixe

Un equipo da USC demostra a relación entre dieta e saúde bucal despois de analizar restos óseos de 34 individuos que viviron entre os séculos XIII e XVII