Xoves 28 Marzo 2024

Terras Gauda reduce un 20% o impacto ambiental das viñas grazas ao I+D+i

Desde hai tres anos, a empresa Terras Gauda desenvolve o proxecto europeo Foodie, que usa as vantaxes da recollida e análise en tempo real de grandes volumes de datos no sector agrícola. Grazas a este traballo de I+D+i, a empresa conseguiu reducir ata un 20% o impacto ambiental nas viñas. O sistema consta de sensores instalados nos propios cultivos, xunto aos datos recollidos por satélites europeos e o rexistro de actividades actuais e de anos anteriores na viña.

Segundo expoñen desde Terras Gauda, a viticultura de precisión é xa “unha realidade”, despois de dúas campañas traballando co software e a plataforma Cultiva, cuxos beneficios foron constatados en catro aspectos de importancia clave: unha maior sustentabiidade ambiental ao optimizar os tratamentos e abonos, unha mellora no rendemento das parcelas, tanto no potencial cualitativo como no de produción da uva, a inmediatez na toma de decisións relativas á intervención no viñedo e unha maior eficacia na xestión dos recursos.

Publicidade

Reduciuse o uso de fitosanitarios, abonos e o consumo de combustible da maquinaria

Con estas accións, Terras Gauda puido dispoñer de recomendacións moi precisas para minimizar este impacto ambiental, que diminuíu ata nun 20% no número de aplicacións fitosanitarias e un 15% no uso do abono. A isto hai que engadir, segundo destacan, un menor gasto de combustible na maquinaria precisa para estas actuacións, o que reduciu tamén as emisións de CO2 a atmosfera, e unha maior eficacia na xestión dos recursos e custos de produción.

Con esta recollida, análise e interpretación de datos en tempo real, desde Terras Gauda poden tomar moitas decisións de xeito inmediato. Así, ante calquera incidencia nas viñas, é posible actual nun lapso de tempo curto, cando anteriormente era preciso un maior período desde que se detectaba o problema ata que se interviña.
Grazas aos datos que achegan os satélites, aos sensores e aos algoritmos de predición que desenvolven a empresa Seresco e a Misión Biolóxica de Galicia (MBG), do CSIC, a empresa conseguiu mellorar o estado das viñas en momentos clave, como a floración, o callado do froito e a maduración, o que repercute de xeito positivo na calidade, estado e produción da uva. Isto conséguese debido a que a plataforma achega recomendacións precisas e por parcelas para poder actuar segundo as necesidades de areas de viñedo moi definidas.

Así, grazas á participación no proxecto Foodie, é posible acceder a alertas temperás de meteoroloxía, maduración, incidencias na vide, indicadores de vigor, humidade ou chuvia acumulada en tempo real. Tamén se fai unha análise histórica tendo en conta todas as variables: zonas, variedades, etc. E establécese o momento óptimo e a orde para vendimar, predicindo incluso a produción por parcelas.

Deste xeito, Terras Gauda mantén a súa aposta polo I+D+i, colaborando en moitos casos coa MBG. Nesta liña, o proxecto conxunto máis recente é unha aposta coa que conseguiron potenciar de forma natural as propiedades biosaudables dos viños, aumentando de xeito substancial a concentración de flavanois extraídos da uva.

A expansión de Terras Gauda

Neste 2018, o traballo de Terras Gauda destacouse pola súa chegada a La Rioja, coa compra dunha adega en Alfaro, que contribúe a mellorar a competitividade global do grupo e chegar a novos segmentos do mercado.
Hoxe en día, a empresa está presente en 60 mercados, con exportacións que representan un 20% das súas vendas, sobre todo no Reino Unido, Noruega, Estados Unidos, Suíza, Alemaña e México.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Velutinas, porco vietnamita, cangrexo vermello… Así chegan a Galicia as especies invasoras

María José Servia, investigadora da UDC, augura novos exemplares “co foco poco posto nos himenópteros: avespas, formigas e abellas”

A falsa endemia de malaria e outros intentos para desecar a lagoa de Antela

A partir do século XVIII a zona húmida foi considerada inimiga da agricultura. Os veciños intentaron evitar o desaugamento das terras que utilizaban para o pastoreo

A UVigo axudará a rexenerar as pradarías submarinas da ría de Aveiro

Este proxecto europeo basearase na maricultura para apoiar as necesidades de plantas e sementes para a súa reintrodución

Un equipo da UVigo avalía o posible impacto da inxección de aerosois na atmosfera para contrarrestar o cambio climático

Os investigadores galegos aseguran que a técnica reduciría a cantidade de enerxía solar que chega á superficie e reduciría a temperatura