Venres 29 Marzo 2024

A Sociedade de Historia Natural denuncia que os trofeos de caza de raposo vulneran a lei

Diante da celebración, esta fin de semana, dos campionatos provinciais de caza do raposo organizados pola Federación Galega da disciplina, que están xerando protestas de colectivos animalistas e ecoloxistas, a Sociedade Galega de Historia Natural (SGHN) anunciou este mércores a presentación dun escrito de protesta ante a Consellería de Medio Ambiente  pola vulneración da Lei 13/2013 de caza de Galicia“, manifestando o seu “rexeitamento” á celebración destas actividades.

Tal e como recorda a lei, no seu artigo 1, esta norma “ten por obxecto regular o exercicio da caza na Comunidade Autónoma de Galicia coa finalidade de protexer, conservar, fomentar e aproveitar ordenadamente os seus recursos cinexéticos de xeito compatible co equilibrio natural e cos distintos intereses afectados”. Porén, para a SGHN, “a celebración indiscriminada destas actuacións en nada fomentan os recursos cinexéticos e o medio natural”.

Publicidade

No mesmo sentido, a entidade ecoloxista expón que, ata onde lle consta, “a Xunta carece de datos propios que avalíen as densidades dos raposos tanto a nivel local como a nivel global galego”. E engade que “solicitou á Xunta información sobre este extremo, que estudos ten desenvolvido, de que ano, autores e tendencia das poboacións desta especie”.

“Papel sanitario” do raposo no medio natural

No marco desta situación, a entidade defende tamén “o papel sanitario” do Vulpes vulpes no medio natural, “controlando as poboacións de pequenos vertebrados, que poden ser prexudiciais para o ser humano e axudando a manter o equilibrio ecolóxico, e eliminando restos de animais mortos que poden resultar focos de enfermidades para a fauna silvestre”.

A isto hai que engadir, subliña a SGHN, “a parte ética dunha caza, presuntamente deportiva, que simplemente é matar por matar, sen ningún tipo de aproveitamento, pois a diferencia doutras especies, o raposo non ten interese culinario. Non se pode entender como deporte unha actividade que conleve a morte gratuíta de calquera especie e que ademais incide negativamente no equilibrio ecolóxico e indirectamente na saúde das persoas”, conclúe o comunicado da sociedade.

Resposta da Federación Galega de Caza

Respecto as críticas dos últimos días, a Federación Galega de Caza, que en Galicia conta con arredor de 20.000 afiliados, difundiu de novo un comunicado no que defende estas prácticas como unha medida de “control poboacional da especie para garantir as súas óptimas densidades no ecosistema actual”, un escenario “no que a presenza do home o modifica e no cal se precisa o control de determinadas especies como por exemplo o corzo, o xabaril e neste caso o raposo en beneficio de outras especies silvestres”. Unha visión que choca coa da SGHN, que sostén que “a celebración indiscriminada destas actuacións en nada fomentan os recursos cinexéticos e o medio natural”.

A agrupación de caza sostén o seu argumento en que “a xestión das especies silvestres conleva numerosas actuacións encamiñadas a manter as poboacións en equilibrio co medio no que se atopan e o control sanitario”, aludindo a problemas como a posible transmisión de doenzas a outras especies.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Velutinas, porco vietnamita, cangrexo vermello… Así chegan a Galicia as especies invasoras

María José Servia, investigadora da UDC, augura novos exemplares “co foco poco posto nos himenópteros: avespas, formigas e abellas”

A falsa endemia de malaria e outros intentos para desecar a lagoa de Antela

A partir do século XVIII a zona húmida foi considerada inimiga da agricultura. Os veciños intentaron evitar o desaugamento das terras que utilizaban para o pastoreo

A UVigo axudará a rexenerar as pradarías submarinas da ría de Aveiro

Este proxecto europeo basearase na maricultura para apoiar as necesidades de plantas e sementes para a súa reintrodución

Un equipo da UVigo avalía o posible impacto da inxección de aerosois na atmosfera para contrarrestar o cambio climático

Os investigadores galegos aseguran que a técnica reduciría a cantidade de enerxía solar que chega á superficie e reduciría a temperatura