A Senda Azul, unha ruta para coñecer Vigo a través do río Lagares

A ruta comeza na Avenida de Madrid, no rio Lagares. Foto: Flickr Iván Pc.
A ruta comeza na Avenida de Madrid, no rio Lagares. Foto: Flickr Iván Pc.

A Senda Azul é unha ruta peonil e ciclista que percorre a parte suroeste da cidade, entre Bouzas e Canido, así como a parte final do curso do río Lagares, que desemboca na praia de Samil.

O paseo comeza na Avenida de Madrid, preto do seu final, separándose da vía asfaltada pola dereita e comezando a camiñar pola senda habilitada xunto ao río, onde os viandantes poden observar diferentes elementos etnográficos, algúns deles situados en torno ao parque de Castrelos. Pasando o parque e tras percorrer a vía urbana que leva ao estadio de Balaídos, o río adéntrase nunha zona máis protexida polas árbores.

A ruta bifúrcase na praia de Samil
A ruta bifúrcase na praia de Samil.

O paseo pola ribeira do Lagares achega unha ruta ornitolóxica onde se representan aves de cada zona e a vexetación de bosque de ribeira. No tramo baixo do río atópanse as zonas húmidas de Goberna, Muiños e a Xunqueira do Lagares, espazos de grande diversidade biolóxica que son fundamentais na regulación do fluxo de auga na zona.

O percorrido ata a praia é duns 8 quilómetros. Ao rematar pódese seguir por dous camiños: cara ao leste, 4,5 km, percorrendo os areais de Samil, Argazada, Tombo do Gato, Fontes, Mourisca, Santa Baia, Carril e Ou Adro, así como as dunas de Samil e Cabo de Mar; ou cara o oeste, 2,6 km, que camíñase ao carón dos areais de Calzoa, Fontaíña, Baluarte, O Vao ou Canido.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.