Martes 19 Marzo 2024

A pita do monte, entre as sete especies que se atopan nunha situación máis crítica en España

O Ministerio de Agricultura, Pesca Alimentación, e Medio Ambiente (Mapama) aprobou esta semana, por primeira vez, a declaración de sete especies en situación crítica. Unha vez se aprobe a orde ministerial, estas sete especies terán unha maior protección para evitar a súa extinción. Entre elas figura a pita do monte cantábrica (Tetrao urogallus cantabricus), xa extinguida en Galicia e nunha situación límite noutros puntos da cornixa cantábrica.

Actualmente, a pita do monte xa desapareceu tamén en amplas zonas do norte de Castilla y León e padece un declive do 30 por cento en Cataluña. Esta rexión é a única na que existe un censo completo en todo o seu territorio. Os últimos rexistros en Aragón falan de menos de 40 machos e a súa presenza é residual en Cantabria e Navarra. En Asturias non se coñece o estado da súa poboación.

Publicidade

Esta situación de abandono da pita do monte foi denunciada por grupo ecoloxistas, como SEO/BirdLife ou WWF. En declaracións á axencia Sinc, Nicolás López, responsable de especies de SEO/Birdlife, lamenta que “considerando o elevado grao de ameaza, é totalmente inaceptable que non existan datos fiables e actualizados sobre a situación da especie. É o único xeito de garantizar que se tomen as medidas de xestión e conservación axeitadas”, apunta.

Outras seis especies en situación crítica

Ademais da pita do monte, o Mapama aprobou a declaración de situación crítica para a xara de Cartagena, o picanzo pequeno, a náiade auriculada, a cerceta parda, o visón europeo e a nacra común.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

▪️ Galicia vivirá unha primavera “máis cálida do normal”

Segundo a AEMET, as temperaturas invernais estiveron 1,8 graos por enriba da media habitual para esta época do ano

▪️ As medusas chegan para quedar: “Cada vez haberá máis en Galicia”

Nos últimos días apareceron varios exemplares que puideron ser arrastrados polo temporal marítimo

Unha masa de aire subtropical elevará os termómetros en Galicia ata os 21 graos. Canto vai durar?

A partir do xoves agárdase a entrada de novas borrascas atlánticas que deixarán precipitacións no oeste da comunidade

Un asteroide troiano de Xúpiter pasará polo ceo de Galicia

En Santiago de Compostela hai un 34 % de probabilidade de observar a ocultación dunha estrela