A píllara papuda, coñecida en castelán como chorlitejo patinegro, especie ameazada.
A píllara papuda, coñecida en castelán como chorlitejo patinegro, especie ameazada.

O Grove convértese na maior reserva de aves

Despois de varios anos de colaboración entre o Concello e SEO BirdLife, O Grove conta coa primeira Reserva Ornitolóxica de Galicia. A función destas reservas é conservar especies concretas de aves, preservar e mellorar hábitats, potenciar o desenvolvemento sustentable, promocionar o uso público con fins didácticos e favorecer a investigación científica.

Observación de aves de SEO Birdlife en O Grove.
Observación de aves de SEO Birdlife en O Grove.

A Reserva Ornitolóxica do Grove é a maior de todas as da rede SEO. Cunha superficie total de 7.534 hectáreas, posúe diversos ecosistemas como humidais, zonas intermareais, lagoas litorais, baías, dunas, praias… amparadas por distintas figuras de protección legal (desde ZEC e ZEPA -dentro da Rede Natura 2000- ata humidal Ramsar e outros) e por iso a súa declaración conta co visto e prace do Ministerio de Agricultura, Alimentación e Medio Ambiente, Costas do Estado e a Consellería de Medio Ambiente.

A Reserva Ornitolóxica do Grove, comprende tanto medio mariño como o complexo intermareal Umia-O Grove, un dos humidais máis importantes de Galicia e de España por albergar 13.000 aves acuáticas invernantes. Destacan anátidas, limícolas, láridos, ardeidos, corvos mariños e sobre todo espátulas (Platalea eucorodia), do que este é o lugar máis importante de Galicia en invernada e paso migratorio.

Ademáis, están incluidas na reserva as praias da Lanzada, Area da Cruz e Mexilloeira, areais de reprodución dunha especie clasificada ‘vulnerable’ no Catalogo Galego de Especies Ameazadas: a píllara papuda (chorlitejo patinegro) (Charadrius alexandrinus, na que destaca o traballo de catalagación e protección desenvolvido por SEO-Pontevedra nos últimos anos.

A Lanzada é área de reprodución dunha especie ameazada: a píllara papuda

Tamén está na reserva a  Lagoa da Bodeira,  pequena lagoa litoral de abundante vexetación palustre e mergullada, que é un gran refuxio para as anátidas. Na Costa Oeste do Grove, destacan as zonas rochosas combinadas coas de area, onde podemos atopar o gavión atlántico ou o corvo mariño.

Pola súa banda, na Costa Norte do Grove está a levarse a cabo a rexeneración natural do cordón dunar e a formación de charcas que tentan converterse en lugares de acollida de distintas especies de anfibios, insectos e aves e onde participa tamén o grupo local SEO-Pontevedra.

Para rematar, o Monte Siradella é punto máis elevado do Grove. Aquí ten o Complexo Ons-O Grove  a súa Aula da Natureza. Xunto ás súas extraordinarias vistas, conta cunha duna rampante que é das poucas que quedan na comunidade galega.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.