Dous mil xeitos de cometer un crime en galego

Alma do canón, antehélice, asañamento, pegada, marcas de luvas ou iatroxenia son termos que deben usar os profesionais da criminoloxía que empreguen o galego como lingua de traballo. Todos eles, ata case 2.000, aparecen recollidos nun novo traballo terminográfico do Servizo de Normalización Lingüística da USC, editado nesta ocasión en colaboración co Instituto universitario de Criminoloxía, que leva máis de trinta anos impartindo docencia na USC e que aspira a impartir o grao, título oficial xa implantado en varias universidades españolas.

Os autores do estudo presentado onte en Santiago.
Os autores do estudo presentado onte en Santiago.

O Vocabulario de Criminoloxía recolle termos en galego e as súas equivalencias en español e inglés cos conceptos básicos dos diversos ámbitos das ciencias criminolóxicas aglutinadas ao redor dos seus obxectos de estudo como son o crime, a conduta desviada e o delicuente e a vítima.

Publicidade

Coordinado polos profesores da facultade de Dereito e do Instituto de Criminoloxía Gumersino Guinarte e Fernando Vázquez-Portomeñe e por Xusto Rodríguez Río, do SNL da USC, este é o sétimo volume da Colección Vocabularios Temáticos. A publicación pode descargarse de balde en formato .PDF ou mercarse a súa versión en papel.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Soutar, apañar ou rebuscar: as máis de 40 formas lingüísticas de recoller castañas en galego

O Atlas Lingüístico Galego recolle 47 palabras e expresións para nomear a tarefa, con variantes que reflicten a diversidade léxica do idioma

Sen voz pasiva nin frases longas: as pautas que propón unha tese para redactar textos sinxelos en galego

Cristina López Canabal elabora unha guía para facer máis comprensible a literatura mentres se afasta dos estigmas sociais en torno ás obras adaptadas

Galicia presenta no Parlamento Europeo unha ferramenta pioneira para avaliar o uso do galego na IA

O Proxecto Nós, impulsado pola USC, amosa os resultados iniciais de “Arena Nós”, que analiza como os grandes modelos comprenden, xeran e representan a lingua

Como revivir a lingua

Estas son as estratexias das marcas para recuperar o galego, dende o derbi galego ata Inditex. Por Andrea Veiga