Xoves 23 Maio 2024

O Courel aprende a convivir co oso pardo

En xullo de 2017 botou a andar o proxecto Life Oso Courel, unha iniciativa financiada pola Unión Europea e destinada a protexer o hábitat do oso pardo nas serras orientais de Lugo. O plantígrado, especie ameazada no territorio galego, atopa moitas dificultades para moverse debido ás actividades humanas. É tamén ás veces unha fonte de conflitos, debido a danos puntuais que causa na apicultura e no gando.

Para contribuír á mellora da situación, a Fundación Oso Pardo, que coordina este proxecto Life, organizará a semana que vén unha viaxe formativa ao Parque Natural de Somiedo, en Asturias, unha zona oseira na que se desenvolven experiencias que contribúen ao equilibrio entre a poboación de osos e as actividades humanas. A viaxe está dirixida a veciños do Courel – apicultores, gandeiros e outros profesionais – para que coñezan de primeira man as actividades que se realizan en Somiedo.

Publicidade

O encontro, dirixido a veciños de Quiroga, Folgoso do Courel, Samos, Triacastela, As Nogais e Pedrafita do Cebreiro, enmárcase dentro dos obxectivos do programa Life, como son o fomento da aceptación do oso entre a poboación local mediante accións de sensibilización con axentes claves do territorio, así como a prevención e solución dos posibles conflitos. Deste xeito búscase favorecer a viabilidade a longo prazo das poboacións cantábricas de oso pardo, facilitando a súa expansión e a incrementando a súa área de distribución, agora mesmo en perigo.

O proxecto Life Oso Courel, que se desenvolverá ata 2020, conta coa colaboración da Xunta de Galicia e a Asociación Galega de Custodia do Territorio, ademais do apoio da Fundación Biodiversidad e Gas Natural Fenosa.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O avistamento dun oso pardo nos Ancares constata a recuperación da especie en Galicia

Un veciño de Vilarelle, en Cervantes, consegue gravar un vídeo dun exemplar paseando pola serra

A loita contra a velutina reduce un 20% os beneficios por venda de mel en Galicia

Os apicultores gastaron 561 euros de media, sendo Pontevedra a provincia máis afectada debido ás súas condicións climatolóxicas

Os incendios do Courel destapan miles de fósiles mariños do Paleozoico

Un xacemento de 416 millóns de anos descobre unha grande población de crinoideos, o grupo máis antigo dos equinodermos

Os Ancares e O Courel, distinguidos como ‘Mellor destino de montaña 2023’

O selo Observer revalida a certificación aos dous espazos naturais, que xa recibiran o recoñecemento en 2019