Todos necesitamos saír respirar aire fresco e facer exercicio. Tamén os robots. Porque Boston Dynamics acaba de subir un vídeo do seu robot ergueito e bípedo chamado Atlas. Este robot cruza sen esforzo diferentes tipos de terreo e mesmo o tronco dunha árbore non pode frealo.
As máquinas de Boston Dynamics están a sorprender coa súa capacidade para facer cousas cotiás para os humanos.
Nun segundo vídeo, Boston Dynamics mostra o seu robot SpotMini camiñando por un camiño predefinido a través dun almacén, de xeito totalmente autónomo, sen ningunha axuda adicional. A cámara ségueo a medida que avanza por unha ruta específica a través das oficinas e as instalacións de laboratorio de Boston Dynamics. Os sensores frontais, superiores e laterais interpretan o mundo físico en tempo real para axudar a SpotMini a situarse. E tamén pode aprender cada vez que fai a ruta para memorizar o xeito de facer o percorrido máis rápido. A compañía xa sorprendera antes cun robot que era quen de abrir portas para avanzar.
