Xoves 28 Marzo 2024

Luís, o novo lobo mariño rescatado pola Cemma en Muxía

Luís xa se recupera nas instalacións da Rede de Varamentos de Galicia en Nigrán, despois de ser rescatado o sábado á noite no porto de Muxía. O lobo mariño macho, duns 28kg de peso, foi localizado por un particular ás 19 horas, e deu aviso a Protección Civil da localidade. Unha vez rescatado, a Coordinadora para o Estudo dos Mamíferos Mariños (Cemma) fíxose cargo do animal e trasladouno ata o seu lugar de recuperación.

“Está en aparente bo estado”, sinala Alfredo López, da Cemma. “Estamos pendentes das análises veterinarias pero parece non ter problemas serios. Iso si, hai que ter ollo porque ás veces poden ter problemas graves pero, en cambio, aparentan bo estado e resulta difícil valoralos a simple vista”

Publicidade

Quedan tamén por determinar as causas de que Luís chegase ata a costa. Crese que ten entre catro e cinco meses. Nun primeiro momento, foi bautizado como Luísa, pero ao ver que era macho, cambióuselle o nome.

Preto de 50 varamentos

Desde decembro, a Cemma participou no rescate de preto de 50 animais que apareceron varados nas costas galegas. A maioría deles, golfiños comúns xa falecidos. Só catro deles foron rescatados vivos, e destes, os únicos sobrevivintes foron, ata o momento, Luís e Guardesiña, a foca rescatada na Guarda en xaneiro.

Guardesiña, con Luís

Precisamente Guardesiña continúa a súa recuperación na UCI de Nigrán, un mes despois do seu rescate. “Vai mellorando; e os problemas que tiña foron solucionándose. Pero colleu semanas de frío que están ralentizando a recuperación”.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:00:22

Ibai, Luceira e Lula: as tres tartarugas que vararan en Galicia volven ao mar

Despois de pasar por un centro de recuperación e expulsar todos os plásticos do tracto dixestivo poden regresar ao océano

“As toxicidades atraídas polos ‘pellets’ son unha ameaza para os animais mariños”

Dende a Cemma apuntan que o máis preocupante é o risco de afección que sofren os mamíferos acuáticos
00:00:25

Un lobo mariño na Coruña: "A chegada dunha femia adulta ás costas é inusual"

A Cemma segue a ruta deste exemplar dende o 30 de decembro, cando foi avistada en Burela

Este vídeo amosa todos os plásticos extraídos dun cetáceo varado na Coruña

Gran parte dos varamentos destas especies débese á presenza de residuos humanos que obstrúen o seu sistema dixestivo