Venres 29 Marzo 2024

GCiencia desde o volcán de La Palma

Repaso a situación no volcán, con entrevistas a persoal científico, retransmisións e reportaxes sobre o terreo

Desde este domingo e durante os vindeiros días, GCiencia estará en La Palma para contar de primeira man como se está a vivir un acontecemento de grande interese científico, pero que á vez é unha traxedia con poucos precedentes nos últimos séculos no arquipélago canario. Con entrevistas a persoal investigador, que leva semanas traballando intensamente a escasos metros das coadas; ou ca comunidade galega residente na illa, que está afrontando o grave impacto da erupción, retransmisións en directo desde diversos puntos da contorna do volcán, ou reportaxes que debullen o pasado, presente e futuro arredor destes fenómenos naturais, os lectores poderán coñecer de preto como é a vida arredor dun volcán en erupción.

Pouco despois das 15 horas do domingo 19 de setembro, xusto cinco semanas atrás, comezaba no Parque Natural de Cumbre Vieja, na illa de La Palma, a primeira erupción que tiña lugar no territorio español nos últimos 50 anos (a de El Hierro, no 2011, produciuse baixo o mar). Do evento de 1971 que fixo nacer o Teneguía, uns quilómetros ao sur na mesma illa, cúmprese medio século este martes 26 de outubro. Pero a magnitude da erupción actual xa superou os rexistros históricos dos que se ten constancia en La Palma nos últimos séculos. E amosou un sabor agridoce: os plans de prevención e vixilancia das autoridades e equipos científicos conseguiron evitar, ata o momento, danos persoais; pero o pulo demográfico e económico da illa palmera, empurrado nas últimas décadas pola industria agrícola e o turismo, está levando un duro golpe, con miles de vivendas e outras edificacións, terreos de cultivo e vías de comunicación que sucumben sen remedio diante do inexorable e imprevisible avance das linguas de lava.

Publicidade

Toda a información poderá seguirse a través de gciencia.gal e as súas contas en Facebook, Instagram ou Twitter.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC

Desmontando Mitos en catro minutos, o novo pódcast da colaboración de Gciencia coa Fecyt

O xornal da ciencia estrea este sábado a cuarta temporada da serie creada para combater falsas crenzas
00:05:26

Gciencia fai 10 anos

O portal da ciencia culmina dez días de celebracións polo seu décimo aniversario

Máis xornalismo e máis divulgación

Editorial de Gciencia polo seu décimo aniversario