25 toneladas de ‘pellets’ no mar: as imaxes do desastre

A chegada de pellets procedentes do Toconao que nun primeiro afectou ás praias da ría de Muros e Noia xa se estende por toda a costa galega. Os mapas actualizados por diferentes asociacións locais coa axuda de voluntarios que se achegan ás diferentes arenais para comprobar a presencia dos plásticos cada vez teñen máis indicadores de ubicación, marcando a contaminación dos lugares afectados. Tanto é asi que a día de hoxe xa se teñen detectado pellets ao largo de todo o litoral galego e nasnas tres provincias costeiras: Pontevedra, A Coruña e Lugo. O contedor desprendido do buque frente ao litoral portugués levaba un millar de sacos duns 25 quilos cada un, polo que se estima en 25 toneladas a cantidade de pequenos plásticos vertidos ao mar.

O accicente deixa imaxes lamentables. Por unha banda, algúns areais presentan boliñas de plástico espalladas por todos lados deixando un regueiro de verteduras, que se misturan coa materia orgánica da praia. Atópanse tamén zonas con montañas de pellets ou mesmo sacos rachados que acumulan unha gran cantidade de residuos ao seu redor. Noutras ocasións son sacos enteiros no medio da praia. O pequeno tamaño dos pellets a súa dispersión dificulta moito o labor de retiralos. A marea de voluntarios organizados foi notable durante toda a fin de semana.

Publicidade

Diferentes organizacións e asociacións locais animan a todas as persoas a que se unan a limpeza de pellets con todo débense seguir unha serie de recomendacións para facelo de forma segura e efectiva. En primeiro lugar, se se atopan hai que notificalo ao número de emerxencias (112). Ademais tamén hai indicacións precisas para a retirada e o seu posterior depósito facéndoo de forma segura para as persoas e sen danar a biodiversidade das praias.