Da Coruña ao Ártico: descubre neste mapa a viaxe polo mundo dos teus refugallos

A fundación The Ocean Cleanup crea unha aplicación online para concienciar sobre o lixo

Cando coñecemos o grave impacto ambiental das nosas accións percatámonos da importancia da conciencia individual á hora de tratar os residuos. Pequenos cambios poden ser moi beneficiosos para a saúde do planeta e moito máis se se realizan de maneira colectiva. Neste contexto é no que a fundación The Ocean Cleanup desenvolve Plastic Tracker, unha aplicación que permite visualizar a traxectoria da contaminación por plástico con só facer clic nun botón. A plataforma permite seguir a ruta dos residuos que se desbotan incorrectamente. A liña que se debuxa no mapa mundial abarca miles de quilómetros, tantos, que un plástico que se tire dende A Coruña pode rematar no Océano Ártico.

Cada ano vértense nos océanos oito millóns de toneladas de plástico, o que ameaza a vida mariña e humana e destrúe os ecosistemas naturais. O obxectivo desta nova ferramenta é concienciar sobre a necesidade de reducir a cantidade de plástico que termina nos nosos océanos. Na fundación empregan medios que lles permiten ver o impacto dos residuos en modelos virtuais.

Publicidade

Ferramentas como esta serven como recordatorio do impacto das nosas accións. No seu equipo de modelado computacional ven que millóns de partículas de plástico virtuais saen dos continentes e acumúlanse nos parches de lixo ou nas praias. Cando ven refugallos no chan poden determinar o lugar onde terminarán e logo interceptar un destino potencial no océano simplemente desbotándoo nun contedor próximo.

Plastic Tracker unha nova ferramenta que permite descubrir a ruta do plástico que refugamos erroneamente
Plastic Tracker permite descubrir a ruta do plástico que refugamos erroneamente.

Como usar o rastrexador de plástico?

É unha aplicación fácil de usar para observar o destino do plástico flotante nos próximos 20 anos. Tan só temos que elixir un lugar para saber cal sería a ruta do plástico que nalgún momento manexamos. Podes seguir toda a súa viaxe no mapa, dependendo da cidade ou municipio que selecciones podes velo viaxar polo interior ou saír directamente cara o mar, ata que chega ao océano aberto. Tamén existe a posibilidade de que esa peza de plástico termine nas vías fluviais, dependendo de onde se liberara.

Os modelos de dispersión de The Ocean Cleanup poden calcular e predicir traxectorias de plástico no océano, e usando os datos do seu último modelo de río, ponden calcular a probabilidade de que chegue ao océano.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A UVigo lidera un proxecto europeo para reducir e reciclar materiais de construción

Os residuos derivados da edificación e demolición, excluídos os da minería, representan o maior fluxo de refugallos da Unión Europea

Reparar en vez de desbotar: un dereito e un chanzo clave na economía circular

Prevese que a xeración de residuos a nivel mundial aumente notablemente e pase a 350 quilos anuais per cápita en 2050

Unha viaxe ao pasado de Galicia: 4.000 anos de historia nun mapa interactivo

Chronas é unha ferramenta web con máis de 50 millóns de puntos de datos que abranguen dende o 2000 a. C.

O río Lagares, o máis contaminante de Galicia: arrastra 13 toneladas de plástico ao mar

A organización The Ocean Cleanup deseñou un mapa interactivo mundial dos 1.000 cursos de auga que máis residuos depositan nos océanos