Venres 29 Marzo 2024

Chega a Galicia unha borrasca explosiva con avisos amarelos

Haberá choivas de ata 15 litros por metro cadrado e ventos fortes que chegarán aos 80 km por hora

Unha borrasca explosiva aparecerá en Galicia este xoves 6 de xuño, ao baixar a presión atmosférica de 1.010 a 990 milibares, un cambio que define aos ciclóns explosivos, cunha baixa de cando menos 20 milibares no espazo de 24 horas. Aínda que non se trata dunha borrasca tan intensa como as do inverno ou da primavera, resulta inusual nesta época do ano, xa nas portas do verán. E, ademais, traerá avisos amarelos por vento e choiva.

A Axencia Estatal de Meteoroloxía e Meteogalicia activaron o aviso amarelo para o xoves na provincia da Coruña, con ventos de ata 80 quilómetros por hora e choivas de máis de 15 litros por metro cadrado nunha hora. Nas Rías Baixas e na Costa da Morte, os avisos afectan tamén a ventos de compoñente sur e de forza 7.

Publicidade

Esta borrasca entra en Galicia na semana seguinte a outra de altas presións na que o país mesmo bateu marcas de altas temperaturas. O que confirma que aínda non deixamos atrás a primavera e que, ás veces, algúns ditos meteorolóxicos teñen a súa ciencia. Como o que di que ‘ata o 40 de maio…’

E aquí podes consultar o boletín de avisos amarelos de Meteogalicia para este xoves

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.