Unha investigación de científicos estadounidenses que publica esta semana a revista Nature Sustainabilty estima, con datos referidos ao ano 2017, que a poboación mundial está consumindo un 173% da biocapacidade do planeta. Isto é, estanse a gastar bastantes máis recursos naturais dos que os ecosistemas poden seguir mantendo. O traballo xurdiu cando os autores do artigo intentaron cuantificar o déficit de recursos naturais que afronta o planeta.
Os resultados supoñen, por tanto, unha importante sobrecarga, nunha tendencia que empeorou en boa medida nas últimas décadas. Por exemplo, hai 40 anos, en 1980, a sobrecarga era do 119%. Boa parte do aumento desta demanda impulsárono os países máis ricos, que requiren niveis de consumo cada vez máis altos, acudindo en parte a recursos doutros lugares. Algunhas prácticas, como a acumulación de gases de efecto invernadoiro, a acidificación dos océanos ou o esgotamento dos acuíferos están ameazando o equilibrio medioambiental, a xuízo dos autores, levando o planeta a un “colo de botella material“.
Hoxe en día, case tres cuartas partes da poboación mundial viven en países con ingresos por baixo da media e escaseza de recursos naturais, o que os sitúa nunha situación da chamada ‘pobreza ecolóxica’. Neste sentido, os expertos advirten que para abordar a erradicación da pobreza cómpre ter en conta o factor limitante que supoñen os recursos dos que dispón o planeta.
O traballo divide os países en catro cuadrantes, segundo o seu produto interior bruto (PIB) e o seu déficit ecolóxico local. Mediante o gráfico, que se pode ver baixo estas liñas, os investigadores ilustraron un panorama insustentable na demanda de recursos da humanidade.
Para os autores é esencial, por tanto, mellorar a seguridade no acceso aos recursos mediante a conservación e a restauración dos ecosistemas, a redución de combustibles fósiles ou a modificación dos patróns de consumo. De non abordarse este cambio, advirte, “o capital natural non poderá recuperarse e a esperanza dun futuro máis equitativo quedará socavada”.
En comparación co ano 1980, cando o 57% da poboación mundial vivía nun país coa “dobre maldición” de ter ingresos baixos e un déficit de recursos, agora é o 72% da poboación mundial na que vive nesta situación.
Na outra banda, os países con ingresos máis altos con déficit de recursos representan o 14% da poboación, pero consomen un 52% da biocapacidade do planeta. Neste espazo, os autores expoñen o casos de Suíza ou Singapur, que a pesar de non dispoñer de recursos propios, teñen acceso a eles pola súa capacidade para adquirilos noutros lugares. Neste sentido, destacan que se todos os habitantes do mundo estivesen na situación de Suíza, precisariamos arredor de 3,67 planetas para satisfacer a demanda mundial.
Con todo, o escenario máis perigoso atópase nos países de menores ingresos que non poden competir por recursos. Sen a axuda dos países máis ricos para ter acceso de forma equitativa ao que precisen, os habitantes destas rexións terán serios problemas a curto e medio prazo. “Continuar con este status quo empeorará as súas crises”, advirten. Poñen o exemplo de que unha recesión económica non é tan catastrófica en España como podería ser en Níxer ou Kenia, onde a inseguridade enerxética e alimentaria poñería en perigo a vida de moitas persoas.
“O artigo reforza a idea de que a seguridade dos recursos biolóxicos é un factor moito máis influente á hora de contribuír ao desenvolvemento có que poderían suxerir a maioría das teorías e prácticas económicas”, conclúen os autores do traballo, poñendo de manifesto a “desigualdade” que afecta ás distintas poboacións humanas.
Referencia: The importance of resource security for poverty eradication (Publicado en Nature Sustainability).
A revista Nature Sustainabilility publica un artigo sobre unha investigación que, advirte que a desigualdade no acceso aos recursos naturais e o seu consumo ameaza a erradicación da pobreza.
Hoxe en día, case tres cuartas partes da poboación mundial vive en situación de pobreza enerxénica.
O estudo reforza a seguridade dos recursos biolóxicos que son un factor influente no desenvolvemento na maioría das teorías e prácticas económicas”, os autores do traballo, poñen de manifesto a “desigualdade” que afecta ás distintas poboacións humanas.
A revista Nature Sustainabilility publica esta semana un artigo sobre unha investigación duns cientificos estadounidenses que advirte que a desigualdade no acceso aos recursos naturais e o seu consumo ameaza a erradicación da pobreza.
Hoxe en día, case tres cuartas partes da poboación mundial vive en situación de Pobreza Enerxénica
O artigo reforza a seguridade dos recursos biolóxicos dado que son un factor influente no desenvolvemento na maioría das teorías e prácticas económicas”, e poñen de manifesto a “desigualdade” que afecta ás distintas poboacións humanas.