Arredor dunha decena de incendios afectaron no serán e a noite do martes e o mércores diversos puntos de Galicia. Segundo diversas fontes de Medio Rural, axentes forestais e servizos de emerxencia a maioría deles permanecían activos na medianoite do martes.
Segundo os lumes dos que informou Medio Rural, ás 14.50 comezou un lume no concello ourensán da Mezquita, na parroquia de Castromil, que foi extinguido sobre as 20 horas despois de afectar a unhas 27,7 hectáreas. Ás 23 horas quedou sufocado tamén o incendio no Carballiño, na parroquia, que se iniciara ás 16 h. e que acabou queimando 23 hectáreas.
Ás 22.30 da noite declaráronse dous lumes na Gudiña, en zonas de difícil acceso nas parroquias do Tameirón e Pentes. O primeiro deles apagouse pouco despois das 23 horas tras calcinar 9 hectáreas, pero o outro seguía activo.
ACTIVOS dous lumes no concello da Gudiña, parroquias do Tameirón e Pentes, con tres focos simultáneos en cada un deles. Polo de agora non temos superficie afectada debido á inaccesibilidade que presentan ambos incendios.#IFTameirónAGudiña e #IFPentesAGudiña.
— incendios 085 (@incendios085) 26 de febrero de 2019
Mais ao caer a noite, desde varias fontes comezaron a sucederse avisos de lumes en lugares como Calvos de Randín, Vilariño de Conso, Chandrexa de Queixa ou Forcarei. Este último lume obrigou a cortar a vía EP-7001 que une esta localidade coa Estrada.
É a segunda vaga de lumes de importancia en Galicia no que vai de ano, despois de que máis de 500 hectáreas quedasen calcinadas nas primeiras semanas de xaneiro. As altas temperaturas destes días e a falta de precipitacións puideron contribuír á propagación destes incendios.
🔥Declarado Incendio forestal en #Carballiño Distrito XI. Movilizados medios por terra do SPDCIF. 👨🚒👨🚒👨🚒 pic.twitter.com/NRsHl1QRxf
— Emerxencias Ourense (@EmerxenciasOu) 26 de febrero de 2019
🔥OURENSE ACTIVOS🔥
D XIV
🔥Tameirón (A Gudiña).
🔥Pentes (A Gudiña).
🔥A Esculqueira (A Mezquita).
🔥Mormentelos (Vilariño de conxo)D.XV
🔥Serois (Calvos de Randin).
D.XI
🔥A Madanela (Carballiño).— Incendios galicia (@Incendiosgalic1) 26 de febrero de 2019
