A exposición “Visións do futuro” recolle o traballo que realizou un grupo de nove deseñadores que debían inspirarse en proxectos e descubrimentos actuais para imaxinar as misións do futuro. Pódese visitar na planta baixa da Casa das Ciencias.
A colección foi encargada pola NASA e o Jet Propulsion Laboratory e reúne anuncios de viaxes polo Sistema Solar e outros sistemas planetarios. A estética dos 14 carteis que compoñen a exposición recorda as axencias de viaxe dos orixes da aviación comercial.
A estratexia creativa deste proxecto viu da man de Dan Good e David Delgado. Os ilustradores encargados de facer esta publicidade foron Liz Barros Torres con Ceres e Europa; Stefan Cucher con Jupiter Design; Invisible Creature con Grand tour, Mars e Enceladus; Joby Harris con Kepler 16b, Earth, Kepler 186f, PSO J318.5-22 e Titan; Jessue Kawata con Venus; Lois Kim con Typography for Venus and Europa; e por último Ron Miller con Jupiter Illustration.
