Xoves 28 Marzo 2024

Así lle practican unha ecografía a un cabaliño de mar

Unha femia do Aquarium Finisterrae tiña o abdome inchado e despois dunha pequena intervención gardou corentena para recuperarse

Os cabaliños de mar son unhas criaturas moi carismáticas e con grandes particularidades. Museos Científicos Coruñeses compartiu en redes unha revisión médica dunha femia do Aquarium Finisterrae. O animal tiña o abdome inflamado e o equipo que os coida practicoulle unha ecografía para coñecer os motivos do inchume. A veterinaria do centro practicoulle unha ecografía despois de anestesiala e comprobou que só tiña líquido no seu interior. Os médicos reducíronlle a inchazón e estivo en corentena ata a súa completa recuperación.

Este pequeno peixe ou hipocampo é carnívoro e un rápido depredador, aínda que non o pareza. Hai ata 47 especies de cabaliño de mar, algúns teñen o tamaño dun grao de arroz. Son as femias as que producen os ovos durante o apareamento e quen os deposita na bolsa do macho, unha especie de saco onde os fertiliza e os incuba ata que os expulsa. Un cabaliño macho ten que pasar 45 días de embarazo e pode chegar a ter 1.500 ou ata 1.800 crías. Só o 1% das larvas chegan a ser adultos. Existen arredor de 50 especies diferentes, a máis pequena mide 15 milímetros de longo e a máis grande 30 centímetros.

Publicidade

Unha das características máis sorprendentes destes animais é que cambian de cor e de forma. Poden comunicarse mediante sons e son malos nadadores. En Galicia hai dúas especies de cabaliños: o Hipocampus hippocampus e o Hippocampus guttulatus, coñecido como “narizón”. Actualmente estas criaturas están ameazadas pola degradación dos ecosistemas mariños debido ao uso de técnicas de pesca que non son sostibles, así como a súa captura para medicinas tracionais.

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O planetario da Casa das Ciencias estrea unha proxección para público infantil

Un filme con dous esquíos como protagonistas ensinaralle os nenos de 4 a 7 anos as condicións de vida doutros planetas do sistema solar
00:03:53

Unha xornada de resistencia contra as especies invasoras

Científicos, voluntarios e curiosos danse cita no Aquarium Finisterrae da Coruña para coñecer mellor estas especies e frear a súa expansión no noso ecosistema

O Aquarium Finisterrae realizará un taller de divulgación científica con focas

O próximo luns ás 10.00 horas ábrese o para a reserva de entradas para as sesións de abril, maio e xuño de 2023

Os Museos Científicos Coruñeses abrirán toda a Semana Santa

A Casa das Ciencias, a Domus e o Aquarium Finisterrae ofrecen unha programación especial polos festivos para toda a familia