Tres fotografías (dúas na categoría de adultos e unha na xuvenil) foron elixidas como gañadoras do certame “Imaxes de ciencia para o futuro”, organizado por GCiencia e que conta coa colaboración dos Museos Científicos Coruñeses. O xurado, composto por profesionais da museística, fotografía, divulgación e xornalismo científico, escolleu as imaxes entre as máis de 50 fotografías recibidas a través de Facebook, Twitter e Instagram.
“Soneca”, de Rafael (16 anos)
Na categoría infantil, o xurado elixiu a imaxe tomada por Rafael a unha das focas do Aquarium Finisterrae, que emerxe da auga cunha curiosa forma.
“Os camaróns non son laranxas (iso só é cando están cocidos)”, de Eduardo (52 anos)
Na categoría de adultos, unha das fotografías elixidas foi a de Eduardo Calviño, que captou un dos camaróns do Aquarium. E destaca no seu titular que, ao contrario do que moita xente cre, a súa cor orixinal está lonxe do que se ve cando se cociñan para o seu consumo.
“Baixo o mar”, de Camilla Bertolini
A outra imaxe elixida na categoría de adultos é a de Camilla Bertolini, que retratou unha fermosa combinación de cores nun dos peixes do Aquarium.
As persoas gañadoras poderán participar, xunto a un acompañante, na actividade de alimentación das focas do Aquarium Finisterrae, e recibirá unha colección de libros de divulgación científica editados polos Museos Científicos Coruñeses.
