Únete á nosa canle de Whatsapp
Os afeccionados á astronomía están de parabén. O Planetario da Casa das Ciencias da Coruña recupera as sesións presenciais de “O ceo para entendidos”, despois dunha longa suspensión da actividade en directo por mor da pandemia do Covid-19.
A primeira sesión deste ciclo recuperado permitiu ao público coñecer detalles da observación do ceo en agosto e profundar no coñecemento do universo co astrofísico e divulgador Borja Tosar, quen presentou unha “postal planetaria” con imaxes do telescopio espacial James Webb (JWST), que abre unha nova era na astronomía.
As citas son sempre o último sábado do mes. As sesións van dirixidas a un público con coñecementos previos de astronomía, afeito a observar o ceo nocturno. A entrada é gratuíta, mais é necesario retirar unha invitación na recepción dá Casa dás Ciencias. As invitacións repartiranse (máximo de dúas invitacións por persoa) media hora antes do inicio dá sesión, ata completar o aforo
Lúa chea o 12 de agosto
Que podemos atopar se miramos ao ceo en agosto? No calendario podemos marcar varias citas: a lúa chea do 12 de agosto; as Perseidas, cuxo pico e máxima actividade será na noite do 12-13 de agosto-, aínda que quedarán agochadas pola luz da super-lúa, ou a aliñación dos planetas Saturno e Xúpiter.
Porén a choiva de estrelas non se limitan a unha xornada, as Perseidas poden observarse nas semanas previas e posteriores ao seu momento álxido polo que afeccionados á astronomía e curiosos terán varias oportunidades para velas.
Ademais quen estea atento poderá gozar, o 12 de agosto, da “ilusión lunar”, o efecto óptico polo que percibimos a lúa dun tamaño moito máis grande cando está preto do horizonte.
