Venres 23 Febreiro 2024

A Casa das Ciencias estrea novo sistema de proxección dixital no planetario

A actualización proporcionará unha experiencia con maior resolución e imaxes máis reais para trasladarnos a outros planetas

O equipamento do planetario da Casa das Ciencias acaba de renovarse despois de 14 anos dende a súa última actualización. Agora conta cun novo sistema de proxección dixital que ofrece “unha experiencia de inmersión moi superior” á do sistema que substitúe, grazas á mellora na potencia dos ordenadores e as tecnoloxías de proxección. Desde agora o planetario conta con proxectores de tecnoloxía LED e o software Digistar 7, desenvolvido pola empresa americana Evans&Sutherland, o que proporcionará unha experiencia con maior resolución e imaxes máis reais para trasladarnos a outros planetas ou viaxar polo universo.

O planetario mantén ademais o seu emblemático proxector analóxico de estrelas Zeiss, que convivirá co novo sistema dixital e chegará a complementalo nalgunhas sesións.

Primeiras sesións

Nestes primeiros días de funcionamento a carteleira do planetario incluirá sesións en directo, nas que descubrir os recursos do novo sistema, e tamén a proxección dos programas PolarisLlévame a la Luna El cielo de Cloe. Nas sesións en directo, o persoal do planetario explícalle ao público os obxectos celestes que se poden ver na noite estrelada de cada época do ano, agora cun sistema que permite achegarse a eles como nunca ata agora na Casa das Ciencias.

Outra das imaxes do novo sistema de proxección.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O planetario da Casa das Ciencias estrea unha proxección para público infantil

Un filme con dous esquíos como protagonistas ensinaralle os nenos de 4 a 7 anos as condicións de vida doutros planetas do sistema solar

Os Museos Científicos Coruñeses programan do 11 ao 19 de novembro a Semana da Ciencia

Co obxectivo de atender a elevada demanda de visitas, este ano prolónganse durante dúas fins de semana as celebracións da Semana da Ciencia

Estes son os gañadores dos Premios Prismas Casa das Ciencias 2023

O xurado do galardón, un dos máis recoñecidos na divulgación científica en España, deu a coñecer este martes o seu ditame

Os plans dos Museos Científicos Coruñeses para unha fin de semana con nenos

As opcións son moitas e variadas: achegarse ás focas do Aquarium ou ver unha película no Planetario ou na Domus