Durante os meses de outubro, novembro e decembro, o Aquarium Finisterrae dos Museos Científicos Coruñeses ofrecerá durante as fins de semana a actividade “Aventura coas focas”, unha experiencia na que se poderá participar nas tarefas de preparación da comida destes mamíferos mariños e na súa alimentación. A actividade terá lugar os sábados e domingos ás 11 horas, e está dirixida a nenos e nenas maiores de 7 anos, que deberán asistir cunha persoa adulta.

É posible prenscribir a tres persoas por solicitude, e poderase escoller entre as datas do 6, 7, 20, 21, 27 e 28 de outubro, 10, 11, 24 e 25 de novembro e 1, 2, 15 e 16 de decembro.

Para participar hai que preinscribirse o luns 1 de outubro entre as 10 e as 13 horas. Ofrécense 140 prazas (10 participantes por día). Unha vez confirmada a inscrición, as persoas participantes deberán abonar só o prezo de entrada ao Aquarium (excepto titulares de Tarxeta 20 e da Asociación de Amigos da Casa das Ciencias), xa que é unha actividade sen custo adicional.

Podes acceder ao formulario de preinscrición nesta ligazón, a partir das 10 horas do luns.