O mero será unha especie de acuicultura en menos dunha década. E será grazas as investigacións desenvoltas polo Centro Oceanográfico de Vigo, pertencente ao Instituto Español de Oceanografía, que ata o vindeiro venres día 13 unha reunión de traballo do proxecto europeo DIVERSIFY, que ten por obxectivo desenvolver novos sistemas de cultivo e métodos de procesado e mercadotecnia para novas especies de acuicultura.
Os investigadores de Vigo lideran un dos subproxectos desta ambiciosa iniciativa: o enfocado a lograr o cultivo da cherna ou mero (Polyprion americanus), e durante estes días, todos os integrantes do proxecto reúnense para coordinar as actividades deste ano e formular obxectivos para os vindeiros catro.
En Galicia céntrase a maior parte do traballo sobre o cultivo da cherna ou mero debido ás grandes posibilidades que espertou esta especie entre os acuicultores. Trátase dunha especie de rápido crecemento -pode chegar a crecer da orde de seis quilogramos por ano- e cun alto prezo no mercado.
O mero péscase en caladoiros de Azores pero é unha especie universal
Ademais é unha especie sometida a gran presión polo sector pesqueiro, tanto profesional coma deportivo, e está incluída na lista vermella de especies en perigo de extinción. Practicamente toda a cherna desembarcada nos portos españois procede dos caladoiros das Illas Azores pero a distribución xeográfica desta especie é practicamente universal.
Esta parte do proxecto da cherna ou mero está liderada polo Centro Oceanográfico de Vigo, pertencente ao Instituto Español de Oceanografía e participan nel ademais, a Consellería do Medio Rural e Mariño de la Xunta de Galicia -cos seus centros de CUME (Vilaxoán) e IGAFA (Illa de Arousa)- e o Acuarium Finisterrae do Concello da Coruña.
Este proxecto está tamén apoiado por empresas do sector interesadas no desenvolvemento desta tecnoloxía e o Acuario do Grove, quen tamén colabora nalgunha das tarefas.
“Se todo vai ben, teremos os meros nos mercados nunha década”, di Peleteiro
Ademais participan outras institucións españolas e europeas como son o Hellenic Center for Marine Research, o Instituto Francés de Investigación para a Exploración do Mar, a Universidade de La Laguna, a Universidade de Las Palmas e o Israel Oceanographican Limnological Research.
“Ata o momento os resultados obtidos son esperanzadores e as posibilidades do cultivo desta especie de gran valor comercial son realmente boas”, explica José Benito Peleteiro investigador do Centro Oceanográfico de Vigo e coordinador dos traballos sobre a cherna.
Describiuse o ciclo reprodutivo do mero, desenvolvéronse protocolos de indución hormonal de desova e procedementos de fertilización in vitro. Tamén se formularon axudas para reprodutores e larvas e elaborouse un estudo de mercado sobre o potencial desta especie ao curto e longo prazo, entre outras tarefas.
“Se todo vai ben, en 10 anos poderiamos ter as primeiras chernas de acuicultura nos mercados”, comenta Peleteiro.