Martes 5 Marzo 2024

O golfo Ártabro é o gran criadeiro de pescada da costa cantábrica

Investigadores do Instituto Oceanográfico de Vigo e do Instituto de Investigacións Mariñas vigués cartografían durante 10 anos as zonas de cría desta especie

Investigadores dos centros oceanográficos de Vigo e Santander do Instituto Español de Oceanografía (IEO), xunto a colegas do Instituto de Investigacións Mariñas (IIM- CISC) e da Universidade de Valencia, publicaron un traballo no que presentan un modelo que permite definir as zonas de cría da pescada europea (Merluccius merluccius) no norte da Península Ibérica. E os resultados amosan unha interesante zona de cría desta especie, situada no golfo Ártabro.

A protección dos criadeiros de peixes demostrou ser unha ferramenta moi útil para xestionar a pesca de xeito eficiente, dado que protexer estas áreas pode contribuír a mellorar o recrutamento de especies obxectivo, ademais de identificar as áreas de cría potenciais.

Publicidade

Neste contexto, os científicos recolleron, durante máis de 10 anos, datos de capturas de recrutas de pescada (individuos que miden menos de 21 centímetros) e investigaron as relacións existentes entre a súa presenza e variables ambientais como a profundidade, a temperatura da auga ou a salinidade, para poder entender e predicir a súa distribución espacial e temporal.

Zonas de mostraxe de cría de pescada realizadas durante a investigación do IEO.

O traballo demostra que existe unha área de cría principal situada ao longo da plataforma continental do golfo Ártabro, fronte á Coruña, que se mantén no tempo. Tamén se localizaron outras áreas con grandes densidades de recrutas de pescada pero que varían cada ano en función das condicións ambientais. “En total identificamos tres áreas persistentes e tres áreas intermitentes ao longo dos anos, que coinciden parcialmente coas zonas de veda de pesca para o arrastre”, sinala Francisco Izquierdo, doutorando no Centro Oceanográfico de Vigo do IEO e primeiro autor do artigo.

“Estes resultados demostran a importancia do modelado espazo-temporal dinámico proposto, dado que o efecto das condicións ambientais ao longo do tempo pode variar a distribución, forma e abundancia dos criadeiros de pescada”, engade o científico.

O traballo, conclúe Izquierdo, “pode contribuír a mellorar a ordenación pesqueira desde varios puntos de vista: en primeiro lugar mellorando o coñecemento da distribución espacial e temporal dos recrutas de pescada no norte da península ibérica, en segundo lugar, axudando a definir áreas potenciais de veda de pesca e, en terceiro lugar, obtendo unha mellora nos índices de abundancia nos modelos de avaliación das especies como a pescada”.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia

h

Un equipo galego revisa a literatura científica sobre estes eventos dende comezos do século XX ata a data

Un equipo de Vigo estuda como mellorar a pesca de arrastre para protexer os cetáceos

O IEO está probando dispositivos para reducir os descartes e evitar a captura accidental de especies protexidas

A temperatura da ría de Vigo foi estable ata 2020: estamos ante un cambio brusco de ciclo?

Un equipo do IEO recoñece que está sendo un "verán atípico" e con valores moi altos nas Rías Baixas, pese á tendencia dos últimos 30 anos