A produción de alimentos sostibles aproveitará descartes, algas e outros ingredientes para elaborar un produto listo para consumo.
A produción de alimentos sostibles aproveitará descartes, algas e outros ingredientes para elaborar un produto listo para consumo.

O CSIC producirá desde Vigo alimentos mariños sostibles

O proxecto Seafood Age, coordinado polo Instituto de Investigacións Mariñas, abranguerá toda a cadea de produción para garantizar a calidade e seguridade

Un proxecto europeo coordinado polo Consello Superior de Investigacións Científicas (CSIC) desenvolverá un alimento de orixe mariña sustentable para lograr un envellecemento saudable. Co nome de Seafood Age, este proxecto abarcará toda a cadea de valor alimentaria, desde a pesca ata o envasado e a etiquetaxe do produto.

O estudo utilizará descartes da pesca, algas e outros ingredientes obtidos a partir deles para elaborar un produto alimentario listo para o consumo. Os socios do proxecto, financiado polo  programa europeo Interreg Atlantic Area con dous millóns de euros, reuníronse este martes no Instituto de Investigacións Mariñas de Vigo para presentalo.

“O envellecemento da poboación supón un gran reto socio-económico, e para que sexa saudable require unha dieta adecuada”, explica a investigadora do CSIC Eva Balsa-Canto, do Instituto de Investigacións Mariñas de Vigo. “Os alimentos mariños ofrecen nutrientes esenciais para unha dieta saudable, pero non sempre son accesibles”, engade.

“O proxecto Seafood Age adoptará a economía circular para elaborar alimentos mariños orientados a un envellecemento saudable, para producir novos eco-envases e xerar unha etiquetaxe intelixente para lograr unha máxima calidade e seguridade, e unha mínima perdade alimentos”, detalla a investigadora.

A iniciativa conta coa participación de 14 socios e 6 asociados, de varios países: España, Portugal, Francia, Reino Unido e Irlanda.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.