Morre a balea boreal que apareceu varada nunha praia de Tapia

O cetáceo, de 13 metros de lonxitude e 13 toneladas de peso, é un exemplar raro de avistar nas costas de Galicia e golfo de Biscaia

A balea boreal varada na praia de Serantes, en Tapia. Foto: Cepesma.

Unha enorme balea boreal de 13 metros de lonxitude e unhas 13 toneladas de peso morreu despois de quedar varada na praia de Serantes, no municipio de Tapia de Casariego, na costa asturiana veciña con Galicia. Este exemplar de Balaenoptera borealis varou vivo pero acabou falecendo. Tratábase dun individuo que, polo seu tamaño, xa era adulto. A balea foi atopada pola Garda Civil, que avisou á Coordinadora para o Estudo e Protección das Especies Mariñas (Cepesma), con sede en Luarca.

Segundo a Coordinadora para o Estudo dos Mamíferos Mariños (CEMMA), que leva o censo dos varamentos na costa galega, “aínda que está presente en distintos momentos do ano dende Azores ao Golfo de Biscaia, e mesmo foi cazada con certa regularidade durante o século XX fronte á costa galega, esta é unha especie rara na costa norte de España”.

O pasado ano houbo 3 rexistros: outro exemplar varado preto de Ribadesella “e na CEMMA tivemos outros dous avistamentos en Galicia nos nosos embarques no verán”, afirman.

A lonxitude e peso da balea, unido ao feito de varar nunha zona de area e rochas pouco accesible, fixo imposible calquera intento de rescate deste cetáceo, que rematou morrendo.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.