Mar cruzado na illa francesa de Rhé.

Isto é un ‘mar cruzado’, un fenómeno sorprendente e perigoso

A ecuación de Kadomtsev-Petviashvili pode explicar este taboleiro de xadrez que forman as ondas

Que o mar pode ser perigoso é algo que por desgraza sabemos ben en Galicia. Pero o fenómeno do ‘mar cruzado‘ é algo que ninguén querería vivir de preto, xa que supón situarse entre ondas opostas.

Este raro patrón do mar formando unha cuadrícula é un espectáculo fermoso, que pode aparecer e reaparecer en minutos, pero tamén é extremadamente perigoso.

O fenómeno é máis común en augas pouco profundas, como os da illa francesa de Rhé, onde foi tomada esta foto, aínda que poden xurdir en moitas rexións costeiras de todo o mundo.

O mar cruzado en acción.

Provocado por dous patróns de onda que se desprazan en “ángulos oblicuos” pola forza do vento que provoca este taboleiro de xadrez.

Os físicos e matemáticos considérano un exemplo da ecuación de Kadomtsev-Petviashvili, que é unha ecuación diferencial parcial que describe o movemento das ondas non lineais e utilízase para explicar os sistemas meteorolóxicos que interactúan.

Polo xeral, os mares cruzados están asociados con mareas fortes e poderosas, e poden poñer aos humanos nun lugar moi delicado, como se ejemplifica na aterradora imaxe de abaixo.

Un exemplo do perigoso mar cruzado.

As potentes correntes oceánicas que xeran estas ondas impredicibles e inusualmente altas, por riba dos tres metros de altura, poden envorcar grandes botes e son sospeitosos de moitos naufraxios históricos.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.