Martes 19 Marzo 2024

O Campus Terra da USC desenvolve novos métodos de detección de toxinas mariñas

A investigación de doutoramento de Inés Rodríguez Filgueiras achega novos métodos de detección para toxinas mariñas e de auga doce. Foi presentada na Facultade de Veterinaria do Campus Terra da USC. O traballo, que leva por título “Estudo do perfil analítico de toxinas mariñas e de auga doce” contribúe á optimización de metodoloxías xa existentes para mellorar os niveis de detección e cuantificación deste tipo de toxinas.

O proxecto µAQUA e Ciguatools e o Sintox

O SinTox, unha iniciativa de I+D onde colaboran cinco empresas galegas

A investigadora realizou a tese coa axuda dunha bolsa de Formación de Persoal Investigador (FPI). O traballo desenvolveuse no marco de dous proxectos europeos. Un deles é o µAQUA e Ciguatools, dependente dun programa do Ministerio de Economía e Competitividade. Outro é o SinTox, unha iniciativa de I+D onde tamén participan cinco empresas galegas interesadas nos sistemas de alerta temperá e detoxificación eficientes, económicos e sen efectos medioambientais nocivos.

Publicidade

A incremento das biotoxinas nos alimentos motivou a investigación. É un problema de saúde pública en todo o mundo e require métodos de detección sensibles, fiables e rápidos. Con eles, evitaríanse intoxicacións e minimizaríanse riscos. O cometido deste traballo prioriza o desenvolvemento de novos métodos de detección de biotoxinas. Faino mediante a cromatografía líquida axustada á detección por espectometría de masas.

Os resultados do estudo

Os obxectivos destas pescudas son semellantes aos do proxecto µAQUA: monitorizar a presenza de contaminantes na auga recollida en sete países europeos. Ademais, neste estudo tamén se analizaron mostras procedentes de diferentes localizacións europeas. As conclusións mostraron que a maioría das mostras recollidas contiñan dous análogos da anatoxina-a.

No proxecto do Ministerio de Economía e Competitividade tamén se analizaron mostras procedentes de tres localizacións europeas e de Marrocos. Este estudo centrouse, entre outros, na caracterización dos riscos que o Regulamento Europeo 15/2011 xera no consumidor. Para isto, empregouse coma mostra o mexillón. Avaliouse o efecto do procesado, a nivel industrial e doméstico, sobre as toxinas diarreicas e os seus derivados. Así, observouse que o proceso de cocción da mostra non afecta á súa toxicidade total.

A UE só establece que non poden chegar ao mercado produtos que conteñan ciguatoxinas

Alén das toxinas reguladas, están as toxinas emerxentes. Estudáronse as ciguatoxinas e a tetrodotoxina. Estas últimas atopáronse por primeira vez en estrelas de mar procedentes de AzoresMadeira. Sobre estas toxinas non existe regulación. A UE só establece que non poden chegar ao mercado produtos que conteñan ciguatoxinas. Hoxe non hai ningún método de detección establecido.

A tese de Rodríguez Filgueiras abordou o problema da obtención de analíticos de ciguatoxina mediante Gambierdiscus como organismo produtos. Do Gambierdicus illouse un composto denominado Gambierona cunha actividade menos potente que a da ciguatoxina. A tetrodotoxina, pertencente a outro grupo de toxinas mariñas emerxentes en Europa, tamén carece de regulación específica en moluscos bivalvos. A única restrición é que non poden chegar ao mercado peixes vencellados á esta toxina. Estes avances posibilitaron desenvolver un método de detección simultánea de toxinas mariñas hidrofílicas (saxitoxinas, tetrodotoxinas e ácido domoico) e lipofílicas con límites de cuantificación para estas toxinas inferiores aos límites legais permitidos pola UE.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O furacán ‘Margot’ avanza cara aos Azores: así afectará a Galicia

No seu avance cara ao oeste peninsular perderá forza e prevese que se converta en borrasca, que deixará abundantes chuvias no país

Un equipo da USC investiga métodos de control das biotoxinas

O grupo de investigación Farmatox participa xunto con outras entidades europeas no programa de formación de doutores

Atopado un peixe lúa de tres toneladas nas costas dos Azores: novo récord mundial

Tamén chamado en Galicia como orellán, este exemplar medía arredor de 3,6 metros de alto e sobre 3,5 metros de longo

Un estudo revela onde comen as baleas que visitan Galicia

Os grandes cetáceos visitan máis augas litorais que as de Islandia ou Azores, e mudan a súa dieta a finais do verán e principios do outono