Martes 23 Abril 2024

En busca da cura para a borracheira: un novo fármaco elimina os efectos do alcohol en ratos

A hormona FGF21 contrarresta a perda de conciencia e a falta coordinación provocadas pola inxesta de alcohol

Reducir os efectos da embriaguez cun fármaco está a punto de ser posible. Trátase dunha inxección que introduce a hormona FGF21 no corpo que axuda a recuperar a inconsciencia e a falta de coordinación producidas polo etanol. O estudo provouse en ratos e demostra que este método os protexe fronte os efectos do consumo de alcohol no corpo. Os investigadores afirman que podería estar dirixido farmaceuticamente para o tratamento de intoxicación aguda.

A hormona FGF21 é unha hormona inducida no fígado por unha variedade de tensións metabólicas que incluén a fame, a deficiencia de proteínas, os azúcares simples e o etanol. Segundo explican os autores da investigación no artigo FGF21 contrarresta a intoxicación por alcohol activando o sistema nervioso noradrenérxico, o etanol nos seres humanos é o indutor máis potente desta hormona descrito ata a data. Estudos previos demostraron que suprime a preferencia polo etanol, induce a beber auga para evitar a deshidratación e protexe ante lesións hepáticas producidas pola bebida.

Publicidade

Os estudos de asociación vincularon o sistema nervioso noradrenérxico alrededor do xen FGF21 co consumo de alcohol, descubrindo así que a hormona mantén en estado de alerta ao cerebro. Segundo explica á Axencia SINC Steven Kliewer, investigador do Centro Médico Southwestern na Universidade de Texas e un dos autores principais do traballo, aínda se descoñece como afecta o etanol ao organismo dos humanos. “A grandes rasgos, este composto químico inhibe as neuronas que excitan o cerebro (neuronas glutamatérxicas) e activa as que disminúen a actividade cerebral (neuronas gabaérxicas)”.

“Queda por determinar se este método afecta ás neuronas humanas e como o fai”

STEVEN KLIEWER, bioquímico

“Descubrimos que o fígado non só intervén no metabolismo do alcohol, senón que tamén envía unha sinal hormonal ao cerebro para protexelo contra os efectos nocivos da intoxicación, entre eles a perda de conciencia e coordinación”, explica o bioquímico. Sobre o novo método, Kliewer alega que “queda por determinar se afecta ás neuronas humanas e como o fai”. Na investigación, os científicos descubriron que os ratos criados para non producir FGF21 de maneira natural tardaron máis tempo en recuperar o seu equilibrio e a súa coordinación. Aos que si producían a hormona administróuselles unha inxección de alcohol e unha adicional de FGF21. Os resultados: recuperaron o seu sentido da orientación e conciencia o doble de rápido que os outros.

A rexión específica do cerebro á que afecta FGF21 é locus coeruleus, que produce noradrenalina, un neurotransmisor vinculado á resposta de loita e fuxida e regula a alerta e a excitación do sono. Estes efectos aínda teñen que demostrarse en seres humanos, aínda que os investigadores confían que pode funcionar e que podería usarse para iniciar parte dun proceso de sobriedade. David J. Mangelsdorf, un dos autores da investigación, comenta que “Os nosos estudos revelan que o cerebro é o principal lugar de acción dos efectos do FGF21. Agora estamos explorando en maior profundidade as vías neuronais polas que FGF21 exerce o seu efecto instrutor”.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O festival científico CinVigo encheu a Porta do Sol de ciencia e ilusión

Participaron máis de 220 alumnos de Secundaria, Bacharelato e FP que presentaron 58 proxectos na feira celebrada na cidade olívica

Un neno maltratado ten tres veces máis risco de desenvolver unha adicción de adulto

O estudo dunha investigadora da Universidade de Queensland analiza as consecuencias do maltrato infantil a longo prazo

A ciencia confirma que as apertas alivian a dor, a ansiedade e a depresión

Un equipo internacional analiza os beneficios do contacto físico nas persoas a partir da revisión de 212 estudos

A historia da primeira industria galega que empregou a máquina de vapor

Un estudo da USC analiza ‘La Victoria’, a descoñecida fábrica de fundición e louza da Coruña creada en 1844