Venres 23 Febreiro 2024

O MUNCYT inaugura a exposición de fotografía científica FotCiencia

O Museo Nacional de Ciencia e Tecnoloxía, MUNCYT, da Coruña inaugurou a exposición Fotciencia13. A mostra recolle as fotografías gañadoras da décimo terceira edición do certame de fotografía científica Fotciencia así como unha selección doutras 49 imaxes presentadas ao concurso. Este certame está organizado pola Fundación Española para a Ciencia e a Tecnoloxía (FECYT) e o Consello Superior de Investigacións Científicas (CSIC) en colaboración coa Fundación Jesús Serra.

Fotciencia é un concurso cuxo obxectivo é achegar a ciencia á cidadanía a través de imaxes que abordan cuestións científicas desde unha visión artística e estética.

Os visitantes poderán contemplar 49 fotografías seleccionadas entre as máis de 700 que se presentaron ao concurso, de temática moi dispar e que se agrupan en dúas categorías: Xeral e Micro. A exposición, que poderá visitarse no MUNCYT ata o 4 de setembro, préstase de forma gratuíta ás entidades interesadas que a soliciten. Así, durante 2016 percorrerá diferentes salas e centros expositivos. O vídeo coas imaxes gañadoras e toda a información relativa ao concurso están dispoñibles na web.

Que esconde a man dun neno? / FECYT.
Que esconde a man dun neno? / FECYT.

Primeiro premio categoría Xeral, dotado con 2.200 €

Título: Que esconde a man dun neno?

Autor: Raúl Rivas González   Coautora: Lorena Celador Lera

Unha nena de seis anos deixou a pegada da súa man nunha placa de Petri que foi incubada a 28 °C durante dous días. A fotografía reflicte as colonias de fermentos e de bacterias -pertencentes aos xéneros Bacilus, Micrococcus e Staphylococcus– a través de manchas de diversos tamaños e cores. A imaxe ilustra como a pel non é un órgano aséptico, pois nela viven multitude de microorganismos. A presenza de bacterias saprófitas, por exemplo, ten implicacións para a nosa saúde, xa que actúan como unha barreira protectora fronte a patóxenos.

 

Mundo sustentable /FECYT.
Mundo sustentable /FECYT.

Primeiro premio categoría Micro, dotado con 2.200 €

Título:Mundo sustentable

Autora: Ruth Sánchez Hernández Coautor: Antonio Tomás López

A fotografía mostra un cristal de zeolita obtido no laboratorio a partir dun residuo perigoso de aluminio. As zeolitas son minerais con numerosas aplicacións industriais, que se deseñan a partir de reactivos químicos ou ben se sintetizan a partir de residuos, o que permite minimizar o impacto ambiental que xera a acumulación dos mesmos. Concretamente, esta zeolita utilízase para eliminar metais pesados en augas contaminadas.

O primeiro sorriso /FECYT.
O primeiro sorriso /FECYT.

Accésit categoría Xeral, dotado con 1.000 €

Título: O primeiro sorriso

Autor: Víctor Rivera Jove

Apelotonados nunha masa mucosa que os protexe dos axentes patóxenos, na imaxe apréciase como estes embrións dera adoptan diferentes posicións dentro de cada un dos seus ovos, distinguíndose algúns detalles da súa fisionomía. Por exemplo, nalgúns destes futuros anfibios está a formarse xa a columna vertebral coa súa medula espinal. Noutros se percibe mesmo o esbozo temperán da cola e o saco vitelino que contén os nutrientes necesarios para o seu desenvolvemento.

 

Lanuxe /FECYT.
Lanuxe /FECYT.

Accésit categoría Micro,dotado con 1.000 €

Título: Lanuxe

Autora: María Carbajo Sánchez

Unha primeira ollada a esta fotografía fainos pensar nunha especie vexetal. Con todo, a imaxe reflicte a velosidade que recubre ás larvas dun insecto coñecido como “escaravello das alfombras”, un coleóptero da familia Dermestidae. Na súa forma larvaria pode producir danos en materiais téxtiles (seda, la, peles) e causar dermatite e irritacións pulmonares nos seres humanos. Grazas á técnica da microscopíaelectrónica de varrido, podemos coñecer partes da realidade tan sorprendentes como o pelo dunha larva.

 

Recolectoras de argán /FECYT.
Recolectoras de argán /FECYT.

Premio especial Instituto de Agricultura Sustentable, dotado con 600 €

Título: Recolectoras de argán

Autor: Eduardo Rivas Muñoz

Como se obtén o aceite do argán? Os froitos desta árbore espiñenta, dos cales se extrae o aceite, son colectados por cabras. Cando o pasto escasea, estes animais sóbense aos arganes para comer os seus froitos. Despois, cospen os ósos e os pastores recóllenos con menos esforzo. O beneficio é dobre: o gando obtén alimento en períodos de escaseza e os pastores acceden ao froito xa pelado para obter o valioso aceite. A súa extracción é totalmente artesanal, non existen fábricas para a súa extracción industrial.

Na cervexa /FECYT.
Na cervexa /FECYT.

Premio especial Instituto de Agroquímica e Tecnoloxía de Alimentos, dotado con 600 €

Título: Na cervexa

Autor: Pablo Muñoz Luengo

Coautora: María Carbajo Sánchez

A elaboración do viño, o pan, a cervexa, o iogur ou o queixo dependen de bacterias, fermentos ou fungos. Un reto da biotecnoloxía é a formación de microorganismos xeneticamente manipulados que poidan utilizarse na elaboración de produtos alimenticios mellorados. Os fermentos, por exemplo, son esenciais na produción de cervexa e hai centenares de cepas (mutacións desenvolvidas segundo as distintas condicións do proceso) que outorgan un carácter distinto á bebida. Esta fotografía corresponde ao fermento empregado na elaboración dunha cervexa artesá estremeña.

 

A pinga que colma a moeda /FECYT.
A pinga que colma a moeda /FECYT.

PremioA ciencia na aula, dotado cun lector de e-book

Título: A pinga que colma a moeda

Autoras: Aránzazu Carneiro Tallón e Mª dos Ángeles de Andrés Laguillo

A imaxe presenta unha pinga de auga sobre unha moeda. Pero, por que a auga non precipita se se aprecia claramente que soborda o límite do metal? Isto débese a un fenómeno físico denominado tensión superficial, no cal a capa exterior dos líquidos que se atopa en repouso posúe certa “dureza” aínda que non se aprecie facilmente. Mentres non rompa esa tensión, a auga non caerá da moeda. Unha simple pinga de máis acabaría con ese equilibrio.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:02

Poñer a roupa ao clareo do Sol, funciona?

É unha técnica tradicional para branquear a roupa que seguimos empregando hoxe. A ciencia confirma a eficacia dos raios solares como o mellor desinfectante natural

As gaivotas trasladan centos de quilos de plástico dos vertedoiros ás reservas naturais

Un equipo internacional liderado pola Estación Biolóxica de Doñana do CSIC desenvolveu un modelo de deposición de residuos baseado na dieta e o movemento destas aves

Desenvolto un anticorpo que bloquea todas as variantes de SARS-CoV-2 no laboratorio

O equipo realizou a investigación a partir de mostras de sangue dun paciente infectado durante a primeira onda da pandemia

Un equipo con participación galega desenvolve un novo tipo de axente contra o cancro

O composto actúa de maneira potente e selectiva sobre a respiración mitocondrial das células nai do tumor, diminuíndo o seu potencial canceríxeno