No serán do pasado 30 de marzo, aínda que non moita xente deu conta del, sobre Galicia pasou o que ata agora é o bólido máis brillante do que se tivo noticia en 2019. Pola magnitude absoluta que acadou (-13, segundo os datos da Rede Estatal de Investigación de Bólidos e Meteoritos) chegou a brillar cun nivel semelante ao da Lúa Chea.
O corpo celeste, que desprendeu unha gran luz ao rozar coa atmosfera, fíxose visible ás 20.46 horas, segundo informa José Ángel Docobo, director do Observatorio Astronómico Ramón María Aller da USC, cuxas cámaras captaron, tal e como se pode ver baixo estas liñas, o paso do brillante bólido.
Posible meteorito
En palabras de Docobo, o bólido foi “extremadamente luminoso” e puido verse en Galicia, Castilla y León e no norte de Portugal. Subliña tamén o docente da USC que “incluso unha das cámaras da rede española detectouno en Madrid contra o horizonte noroeste”.
Pola traxectoria que seguiu, o bólido “trasladouse desde o nor-noroeste cara ao sur-sureste”, indica Docobo. Debido ao seu tamaño e brillo, é posible que chegara a xerar un meteorito que, de terse producido, puido caer en terra firme. “Aínda está sendo estudado, e estase investigando a súa traxectoria atmosférica para averiguar se deixou meteoritos, pero non é descartable que se descompuxera totalmente no paso atmosférico”, subliña Docobo.
Cómpre subliñar, segundo indica Docobo, a diferenza entre meteorito, bólido e meteoroide. O meteorito é a pedra atopada no solo, mentres que a pedra cósmica que se move arredor do Sol é meteoroide, e cando este corpo penetra na atmosfera prodúcese o efecto coñecido como bólido que, se chega á superficie, dá lugar ao meteorito.
Hola
eu si vi esa luz e se dia e sobre esa hora cando viña no coche pola carretera de outes direccion muros (pola carretera nova) o chegar a altura de lagoasan cosme) e comenteino ese dia cos ke viñan no coche conmigo pero como no viron tomaronme a risa